കൊച്ചി: ദേശീയ അന്വേഷണ ഏജന്സി (എന്ഐഎ) കൊച്ചി യൂണിറ്റിന്റെ കളമശേരി എച്ച്എംടിക്ക് സമീപത്തെ സ്വന്തം ഓഫീസ് സമുച്ചയം കേന്ദ്ര ആഭ്യന്തരമന്ത്രി അമിത് ഷാ ഓണ്ലൈനായി ഉദ്ഘാടനം ചെയ്തു.
ദക്ഷിണേന്ത്യയിലെ അന്വേഷണം, ഇന്റലിജന്സ്, സൈബര് സെക്യൂരിറ്റി എന്നിവ ഏകോപിപ്പിച്ചാണ് പുതിയ ഓഫീസ്.
എന്ഐഎയുടെ സൗത്ത് ഇന്ത്യ തലവന് ഐജി സന്തോഷ് റസ്തോഗി, ഡിഐജി കാളിരാജ് മഹേഷ്, കൊച്ചി യൂണിറ്റ് എസ്പി വിഷ്ണു എസ്. വാര്യര് തുടങ്ങിയവര് കളമശേരിയിലെ ചടങ്ങില് പങ്കെടുത്തു.
ഏതാനും ദിവസങ്ങള്ക്കകം പുതിയ ഓഫീസിലേക്ക് പ്രവര്ത്തനം മാറ്റും. കടവന്ത്ര ഗിരിനഗറിലെ വാടകക്കെട്ടിടത്തിലാണ് എന്ഐഎ ഓഫീസ് നിലവില് പ്രവര്ത്തിക്കുന്നത്.
കേരളം, ലക്ഷദ്വീപ് എന്നിവയാണ് കൊച്ചി ഓഫീസിന്റെ അധികാരപരിധി. മൂന്നേക്കര് സ്ഥലത്ത് പ്രധാന ഓഫീസിന് പുറമെ, ബാരക്കുകള്, കമ്യൂണിറ്റി ഹാള്, ഭവനസമുച്ചയം, ഫോറന്സിക് ലാബോറട്ടറി തുടങ്ങിയ സൗകര്യങ്ങളും ഒരുക്കിയിട്ടുണ്ട്.
