ചെന്നൈ: പൗരത്വ ഭേദഗതി ചട്ടങ്ങള്‍ 2024ന്റെ വിജ്ഞാപനത്തെ എതിര്‍ത്ത് തമിഴക വെട്രി കഴകം നേതാവും നടനുമായ വിജയ്. രാഷ്‌ട്രങ്ങള്‍ സാമൂഹിക സൗഹാര്‍ദ്ദത്തോടെ ജീവിക്കുന്ന സാഹചര്യത്തില്‍, വിഭജന രാഷ്‌ട്രീയവും സിഎഎ 2019 പോലുള്ള പ്രവൃത്തികളും അവതരിപ്പിക്കുന്നതും അനാവശ്യമാണെന്ന് വിജയ് പ്രതികരിച്ചു.
തമിഴ്‌നാട്ടില്‍ നിയമം നടപ്പാക്കില്ലെന്ന് സംസ്ഥാനം ഭരിക്കുന്ന സര്‍ക്കാര്‍ ഉറപ്പ് നല്‍കണമെന്നും തമിഴക വെട്രി കഴകം നേതാവ് പറഞ്ഞു. വിജയ് പാര്‍ട്ടി രൂപീകരിച്ചതിന് ശേഷമുള്ള ആദ്യ രാഷ്ട്രീയ അഭിപ്രായമാണിത്. ഫെബ്രുവരി രണ്ടിനാണ് നടന്‍ വിജയ് രാഷ്‌ട്രീയത്തില്‍ പ്രവേശിച്ച് തന്റെ പാര്‍ട്ടിയുടെ പേര് പ്രഖ്യാപിച്ചത്.
അതേസമയം, പൗരത്വ ഭേദഗതി നിയമം 2024, സിഎഎ2019ന് കീഴില്‍ യോഗ്യരായ വ്യക്തികളെ ഇന്ത്യന്‍ പൗരത്വം അനുവദിക്കുന്നതിന് അപേക്ഷിക്കാന്‍ പ്രാപ്തരാക്കുന്നു. കൂടാതെ അപേക്ഷകള്‍ പൂര്‍ണ്ണമായും ഓണ്‍ലൈന്‍ മോഡില്‍ സമര്‍പ്പിക്കണം, അതിനായി സര്‍ക്കാര്‍ ഒരു വെബ് പോര്‍ട്ടലും നല്‍കിയിട്ടുണ്ട്.
