കോഴിക്കോട്: മാസപ്പിറവി കണ്ട സാഹചര്യത്തില് കേരളത്തില് റമദാന് വ്രതം ചൊവ്വാഴ്ച ആരംഭിക്കും. കാപ്പാട് ആണ് മാസപ്പിറവി കണ്ടത്.
കോഴിക്കോട് ഖാസി മുഹമ്മദ് കോയ തങ്ങള് ജമാലുല്ലൈലി റമദാന് വ്രതാരംഭം ഔദ്യോഗികമായി സ്ഥിരീകരിച്ചു.ദിവസം മുഴുവന് ഭക്ഷണപാനീയങ്ങള് ഉപേക്ഷിച്ച് ദൈവമാര്ഗത്തില് സഞ്ചരിച്ചും പ്രാര്ത്ഥിച്ചും നന്മകള് ചെയ്തും ദാനം നടത്തിയുമെല്ലാം വിശ്വാസികള് റമദാനിനെ പുണ്യകാലമാക്കി തീര്ക്കുന്നു.
ഖുര്ആന് അവതരിപ്പിക്കപ്പെട്ട മാസമാണ് റമദാന് എന്നാണ് വിശ്വാസം. ഈ മാസത്തില് ചെയ്യുന്ന പുണ്യകാര്യങ്ങളെ ദൈവം കൈവിടില്ലെന്നാണ് വിശ്വസിക്കപ്പെടുന്നത്.
