മലയാളികളുടെ ത്രില്ലിംഗ് ഷോ ബിഗ്‌ബോസിന്റെ ആറാം സീസണിന് തുടക്കം. ലാലേട്ടന്‍ പുത്തന്‍ ലുക്കില്‍ തന്നെ. ഷോ നടക്കുന്ന ബിഗ് ഹൗസിനെ പരിചയപ്പെടുത്തിയായിരുന്നു ലാലേട്ടന്‍ തുടക്കം കുറിച്ചത്.
ഇത്തവണ ഏറെ പ്രത്യേകതയുമായിട്ടാണ് ബിഗ്‌ബോസ് വീട് ഒരുക്കിയിരിക്കുന്നത്. ഇന്റീരിയര്‍ വര്‍ക്ക് കൊണ്ട് ആകര്‍ഷകമായ രീതിയില്‍ ആണ് ഒരുക്കിയിരിക്കുന്നത്. ഇത്തവണ നാല് ബെഡ്‌റൂമുകള്‍ ഉണ്ട്,് ബിഗ്‌ബോസ് അതില്‍ ഒന്ന് പവര്‍ റൂം ആണ്. ഇതിനെപ്പറ്റി ഇനി കണ്ടറിയണം. ജയിലും അടുക്കളയും വിശാലമായ ലിവിംഗ് റൂം ഗംഭീരമാക്കിയിട്ടുണ്ട്.
ബിഗ് ബോസും മോഹന്‍ലാലും ചേര്‍ന്ന് എന്താണ് 4 ബെഡ്‌റൂം കണ്‍സെപ്റ്റ് എന്ന് പരിചയപ്പെടുത്തി. വീട്ടിലെ പലവിധ ജോലികള്‍ ചെയ്യുന്ന ടീമുകള്‍ക്ക് അനുസരിച്ച് നാലു റൂമുകള്‍ എന്നതാണ് കണ്‍സെപ്റ്റ്. മൂന്നു ചെറിയ മുറികളും ഒരു പവര്‍ റൂമുമാണ് വീടിനകത്തുള്ളത്. ഇതിനെല്ലാം മോഹന്‍ലാല്‍ വേറിട്ട പേരുകള്‍ നല്‍കിയിരിക്കുകയാണ്.
വീട് പരിചയപ്പെടുത്തുന്നതിനിടയില്‍ സിഐഡി രാമദാസ് എന്നൊരു കഥാപാത്രത്തെ കൂടി മോഹന്‍ലാല്‍ പരിചയപ്പെടുത്തി. രാംദാസിന് പിന്നിലെ രഹസ്യമെന്താണെന്ന് വൈകാതെ അറിയാമെന്നുള്ള മുന്നറിയിപ്പും നല്‍കി.
മോഹന്‍ലാല്‍ ബിഗ് ബോസിലേക്ക് ആദ്യ മത്സരാര്‍ഥിയ്‌ക്ക് മുന്‍പ് പരിചയപ്പെടുത്തിയത് കോമണേഴ്‌സിനെയായിരുന്നു. രണ്ട് പേരെയും ഒരുമിച്ച് ഒരു മുറിയിലിരുത്തി വീട്ടിലേക്ക് വരുന്ന ബാക്കിയുള്ള എല്ലാ മത്സരാര്‍ഥികളെ കാണാനുള്ള അവസരമാണ് കോമണേഴ്‌സിന് നല്‍കിയത്. ഇരുവരെയും ഒരുമിച്ച് പങ്കെടുപ്പിച്ച് ബിഗ് ബോസ് വേറൊരു ഇന്‍ട്രോയാണ് ഇത്തവണ ഷോ യ്‌ക്ക് നല്‍കിയിരിക്കുന്നത്. കോമണര്‍ മത്സരാര്‍ത്ഥികളായി എത്തിയ നിഷാനയ്‌ക്കും രസ്മിനുമാണ് കണ്‍ഫെഷന്‍ റൂമിലിരുന്ന് സഹമത്സരാര്‍ത്ഥികളുടെ വീടിനകത്തേക്കുള്ള എന്‍ട്രി വാച്ച് ചെയ്യുന്നത്.
ബാക്കി വിശേഷം പുറകെ വരുന്നുണ്ടേ….
