തിരുവനന്തപുരം : കേരളത്തിന്റെ കടമെടുപ്പ് സംബന്ധിച്ച കേസില്‍ സുപ്രീം കോടതിയില്‍ ഹാജരായ മുതിര്‍ന്ന അഭിഭാഷകന്‍ കപില്‍ സിബലിന് 75 ലക്ഷംരൂപ അനുവദിച്ചു.
കടമെടുക്കാന്‍ കേന്ദ്രം അനുവദിക്കാത്ത പശ്ചാത്തലത്തിലാണ് കേരളം സുപ്രീംകോടതിയെ സമീപിച്ചത്. 13,608 കോടിരൂപ വായ്‌പയെടുക്കാന്‍ അനുവദിക്കാമെന്ന് കേന്ദ്രം കോടതിയില്‍ സമ്മതിച്ചെങ്കിലും കടമെടുക്കാനുള്ള പരിധി കൂട്ടണമെന്ന സംസ്ഥാനത്തിന്റെ ആവശ്യം അംഗീകരിച്ചില്ല. തുടര്‍ന്ന്, സംസ്ഥാനവും കേന്ദ്രവും ചര്‍ച്ച നടത്താന്‍ കോടതി നിര്‍ദേശിച്ചിരുന്നു.
കഴിഞ്ഞ ദിവസം കേന്ദ്രവുമായുള്ള കടമെടുപ്പ് ചര്‍ച്ച ഫലം കണ്ടില്ല.ഗുരുതര സാമ്പത്തിക പ്രതിസന്ധിയിലേക്കാണ് കേരളം നീങ്ങുന്നത്.13,608 കോടി രൂപ കൊണ്ടു ധനപ്രതിസന്ധി തീരില്ലെന്നു സംസ്ഥാന സര്‍ക്കാരിന്റെ അഭിഭാഷകന്‍ കപില്‍ സിബലും സ്റ്റാന്‍ഡിങ് കൗണ്‍സല്‍ സി.കെ.ശശിയും സുപ്രീം കോടതിയില്‍ പറഞ്ഞു.
