തൃശൂര്: ഇരിങ്ങാലക്കുട ബിഷപ്പിനെ സന്ദര്ശിച്ച് എന്ഡിഎ സ്ഥാനാര്ത്ഥി സുരേഷ് ഗോപി. ഇന്നലെ രാവിലെയാണ് ഇരിങ്ങാലക്കുട രൂപത ആസ്ഥാനത്തെത്തി ബിഷപ്പ് മാര് പോളി കണ്ണൂക്കാടനുമായി സുരേഷ് ഗോപി കൂടിക്കാഴ്ച നടത്തിയത്.
ബിഷപ്പിനൊപ്പം പ്രാതലും കഴിച്ചാണ് അദ്ദേഹം മടങ്ങിയത്. കാട്ടുങ്ങച്ചിറ ജുമാ മസ്ജിദും സുരേഷ് ഗോപി സന്ദര്ശിച്ചു. പള്ളി കമ്മിറ്റി ഭാരവാഹികള് സുരേഷ് ഗോപിയെ സ്വീകരിച്ചു.
തുടര്ന്ന് മുകുന്ദപുരം താലൂക്ക് എന്എസ്എസ് യൂണിയന് ആസ്ഥാനമന്ദിരവും എസ്എന്ഡിപി ഓഫീസും യോഗക്ഷേമസഭയുടെ ഓഫീസും സന്ദര്ശിച്ചു. ഇരിങ്ങാലക്കുട മണ്ഡലത്തിന്റെ വിവിധ ഭാഗങ്ങളില് വോട്ടര്മാരെ നേരില് കണ്ടു.
മണ്ഡലത്തിലെ വിവിധ വികസന ആവശ്യങ്ങളെക്കുറിച്ച് ചര്ച്ചകള് നടത്തി. വൈകിട്ട് ഇരിങ്ങാലക്കുട നഗരത്തില് നടന്ന റോഡ് ഷോയില് നൂറുകണക്കിനാളുകള് പങ്കെടുത്തു.
