നാഗ്പുര്: 72-ാമത് അഖിലേന്ത്യാ പോലീസ് ഗെയിംസിന്റെ ബാസ്ക്കറ്റ് ബോളില് കേരള വനിതാ ടീം കിരീടം നിലനിര്ത്തി. ഫൈനലില് രാജസ്ഥാനെ 69-47ന് തോല്പ്പിച്ചാണ് കേരളത്തിന്റെ നേട്ടം.
മഹാരാഷ്ട്ര സംസ്ഥാന പോലീസ് ആഭിമുഖ്യത്തില് നാഗപ്പൂരിലെ ശിവാജി നഗര് ജിംഖാനയിലാണ് മത്സരങ്ങള് നടക്കുന്നത്. കേരള പോലിസുനുവേണ്ടി ഐശ്വര്യ 16 പോയിന്റുമായി മത്സരത്തിലെ ടോപ് സ്കോററായി. ക്യാപ്റ്റന് അതുല്യ 15 പോയിന്റുമായി മികച്ച പിന്തുണ നല്കി. പുരുഷ ബാസ്ക്കറ്റ് ബോളില് കഴിഞ്ഞ ദിവസം സിഐഎസ്എഫിനെ പരാജയപ്പെടുത്തി കേരളം വെങ്കലം കരസ്ഥാമാക്കിയിരുന്നു.
വനിതാ ഫൈനലിലെ വിശദമായ സ്കോര്:
കേരള പോലീസ് 69 (ഐശ്വര്യ16, അതുല്യ.എന്- 15, ജയലക്ഷ്മി.വി.ജെ- 13, ജോമ ജിജോ- 12); രാജസ്ഥാന് 47 (ആശ 10)
