കോഴിക്കോട് : എന്‍ഐടിയില്‍ അധ്യാപകനെ പൂര്‍വ വിദ്യാര്‍ത്ഥി കുത്തി പരിക്കേല്‍പ്പിച്ചു. സിവില്‍ എഞ്ചിനീയറിംഗ് അധ്യാപകന്‍ ജയചന്ദ്രനാണ് കുത്തേറ്റത്.
പൂര്‍വ വിദ്യാര്‍ഥിയായ തമിഴ്‌നാട് സ്വദേശി വിനോദ് കുമാറാണ് അധ്യാപകനെ കുത്തിയത്. സേലം സ്വദേശി വിനോദ് കുമാറിനെ പൊലീസ് പിടികൂടി.
സര്‍ട്ടിഫിക്കറ്റ് നല്‍കാത്തതിലെ വിരോധമാണ് അക്രമത്തിന് കാരണം.ജയചന്ദ്രന് കഴുത്തിനും വയറിനുമാണ് കുത്തേറ്റത്. അധ്യാപകനെ കോഴിക്കോട് മെഡിക്കല്‍ കോളജില്‍ പ്രവേശിപ്പിച്ചു.
