ജാംനഗര്‍: ഇതാണ് റിലയന്‍സ് ഉടമ മുകേഷ് അംബാനിയുടെ പവര്‍. കാരണം ഇത് പഴയ ഇന്ത്യയല്ല. ഗ്ലോബല്‍ ഇന്ത്യയാണ്. അതോടെ മകന്‍ അനന്ത് അംബാനിയുടെയും രാധിക മര്‍ച്ചന്‍റിന്റെയും വിവാഹത്തില്‍ പങ്കെടുക്കാന്‍ എത്തുന്നത് ഇന്ത്യയിലെ വിവിഐപികള്‍ മാത്രമല്ല, ആഗോള വിവിഐപികള്‍ കൂടിയാണ്.
ക്ഷണപ്രകാരം മെറ്റ (ഫെയ്സ്ബുക്ക്-ഇന്‍സ്റ്റഗ്രാം) ഉടമ മാര്‍ക്ക് സക്കര്ബര്ഗ് ഒരു ദിവസം മുന്‍പേ എത്തി. തനിയേ അല്ല. ഭാര്യ പ്രിസില്ല ചാനും ഒപ്പമെത്തി. വിവാഹം നടക്കുന്നത് ജൂലായ് 12നാണ്. അതിന് മുന്നോടിയായുള്ള മൂന്ന് ദിവസത്തെ വിവാഹപൂര്‍വ്വ ആഘോഷച്ചടങ്ങുകളാണ് ഗുജറാത്തിലെ ജാംനഗറില്‍ നടക്കുന്നത്.
ലോകത്തെ ഏതാണ്ട് എല്ലാ മേഖലകളിലെയും വിവിഐപികള്‍ എത്തിത്തുടങ്ങി. മാര്‍ച്ച് 1,2,3 തീയതികളിലാണ് ആഘോഷം. ബിഎംഡബ്ല്യുവും റോള്‍സ് റോയ്സുകളും നിറഞ്ഞിരിക്കുന്നു. ബോളിവു‍ഡില്‍ നിന്നും അമിതാഭ് ബച്ചന്‍, ഷാരൂഖ് ഖാന്‍ കുടുംബം, സല്‍മാന്‍ ഖാന്‍, ദീപിക-രണ്‍വീര്‍, റാണി മുഖര്‍ജി, ഐശ്വര്യ റായി എന്നിവരെല്ലാം എത്തി. അമേരിക്കന്‍ ഗായകന്‍ ജെ. ബ്രൗണ്‍ എത്തി.
ബില്‍ഗേറ്റ്സ് വരുന്നുണ്ട്. അതുപോലെ സംഗീതപരിപാടിക്ക് ഗായിക റിഹാനയും സംഘവും എത്തി.
