ലണ്ടന്: പ്രീമിയര് ലീഗില് ബ്രെന്റ്ഫോര്ഡിനെതിരെ തകര്പ്പന് ജയത്തോടെ ലിവര്പൂള്. ഒന്നിനെതിരെ നാല് ഗോളുകള്ക്ക് വിജയിച്ച ലിവര്പൂള് പോയിന്റ് പട്ടികയില് തൊട്ടടുത്ത എതിരാളി മാഞ്ചസ്റ്റര് സിറ്റിയെക്കാള് അഞ്ച് പോയിന്റ് മുന്നിലായി.
ആദ്യ പകുതിയില് എതിരില്ലാത്ത ഒരു ഗോളിന് മുന്നിട്ടു നിന്ന ടീം രണ്ടാം പകുതിയില് മൂന്ന് ഗോളുകള് കൂടി നേടി. മത്സരത്തില് ലിവര് 3-0ന് മുന്നിട്ട് നിന്ന ശേഷമാണ് ബ്രെന്റ്ഫോര്ഡ് ആശ്വാസ ഗോള് കണ്ടെത്തിയത്.
കളിയുടെ 35-ാം മിനിറ്റില് പോര്ചുഗീസുകാരന് സ്ട്രൈക്കര് ഡാര്വിന് ന്യൂനസ് നേടിയ ഗോളിലാണ് ലിവര് മുന്നിലെത്തിയത്. രണ്ടാം പകുതിയേല്ക്ക് മുന്നേറിയ മത്സരത്തിന്റെ 55-ാം മിനിറ്റില് ലിവറിനായി ഗോള് ഇരട്ടിപ്പിച്ചത്. ടീമിലെ അര്ജന്റൈന് മദ്ധ്യനിരതാരം അലെക്സിസ് മാക് അലിസ്റ്റര്. തുടര്ന്നുള്ള 13 മിനിറ്റുകള്ക്ക് ശേഷം സൂപ്പര് താരം സലാ ബ്രെന്റ് വലയില് മൂന്നാം ഗോളും നിക്ഷേപിച്ചു.
കളിക്ക് 75 മിനിറ്റെത്തിയപ്പോള് ഇവാന് ടോണിയിലൂടെ ബ്രെന്റ്ഫോര്ഡ് ഒരു ഗോള് മടക്കി. കളി അവസാനിക്കാറായ ഘട്ടത്തില് പകരക്കാരനായി ഇറങ്ങിയ ഡച്ച് താരം കോഡി ഗാക്പോയും ലിവറിനായി ഗോള് നേടിക്കൊണ്ട് ക്വാട്ട പൂര്ത്തിയാക്കി.
