കാസർകോഡ്: ഒമ്പതാം ക്ലാസ് വിദ്യാർത്ഥി ഓടിച്ച ബൈക്ക് ഇടിച്ച് വഴിയാത്രക്കാരന് ദാരുണാന്ത്യം.അംഗഡിമൊഗർ പെർളാടത്തെ അബ്ദുള്ളയാണ് മരിച്ചത്. ഇന്നലെ വൈകിട്ട് അഞ്ച് മണിയോടെയായിരുന്നു സംഭവം. കുമ്പള ടൗണിൽ വച്ചായിരുന്നു അപകടം. ബസ് സ്റ്റാൻഡിൽ വച്ച് റോഡ് മുറിച്ച് കടക്കവെ അബ്ദുള്ളയെ വിദ്യാർത്ഥി ഓടിച്ച വാഹനം ഇടിക്കുകയായിരുന്നു.
ഗുരുതരമായി പരിക്കേറ്റ അബ്ദുള്ളയെ ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ബൈക്ക് അമിതവേഗതയിലായിരുന്നുവെന്ന് പ്രദേശവാസികൾ പറയുന്നു. മനപ്പൂർവ്വമല്ലാത്ത നരഹത്യക്കാണ് കേസെടുത്തിരിക്കുന്നതെന്ന് പോലീസ് പറയുന്നു.
