കോഴിക്കോട്: കോണ്ഗ്രസ് നേതൃത്വത്തിനെതിരെ മുല്ലപ്പള്ളി രാമചന്ദ്രന്. കാരണമില്ലാതെയാണ് കെപിസിസി അധ്യക്ഷ സ്ഥാനത്തു നിന്ന് തന്നെ മാറ്റിയതെന്നും സമരാഗ്നിയിലേക്ക് ക്ഷണിച്ചില്ലെന്നും അദ്ദേഹം പറഞ്ഞു.
കെപിസിസി അധ്യക്ഷ സ്ഥാനത്തുനിന്ന് കാരണമില്ലാതെ തന്നെ നീക്കിയതിന്റെ നൊമ്പരം ഇപ്പോഴും മനസിലുണ്ടെന്ന് മുല്ലപ്പള്ളി രാമചന്ദ്രന് പറഞ്ഞു. കെപിസിസി അധ്യക്ഷനും പ്രതിപക്ഷ നേതാവും തന്നോട് മര്യാദ കാണിച്ചില്ല. കോണ്ഗ്രസില് ശുദ്ധീകരണം നടന്ന ശേഷമേ ഇനി കെപിസിസി ഓഫീസില് കയറൂവെന്നും അദ്ദേഹം പറഞ്ഞു.
വ്യക്തമായ കാരണങ്ങളില്ലാതെയായിരുന്നു ആ തീരുമാനം. പാര്ട്ടിയോടുളള സ്നേഹം കൊണ്ടാണ് രാജിവയ്ക്കാതിരുന്നത്. പ്രാണനെപ്പോലെയാണ് പാര്ട്ടിയെ സ്നേഹിക്കുന്നത്. അതുകൊണ്ടാണ് അവഗണനയും അവഹേളനവും സഹിച്ചുകൊണ്ട് കോണ്ഗ്രസ് പ്രവര്ത്തനം നടത്തുന്നതെന്നും മുല്ലപ്പള്ളി രാമചന്ദ്രന് പറഞ്ഞു. സമരാഗ്നിയുമായി ബന്ധപ്പെട്ട കാര്യങ്ങള് ചര്ച്ച ചെയ്യാന് കെപിസിസി നേതാക്കള്ക്ക് സൗമനസ്യം ഉണ്ടാകേണ്ടതായിരുന്നു. ഫോണില് വിളിച്ച് വഴിപാട് പോലെ ക്ഷണിക്കുകയല്ല വേണ്ടത്. ഔപചാരികത എന്നൊന്നുണ്ട്. പാര്ട്ടി നേതാക്കള് മര്യാദ കാണിച്ചില്ലെന്നും അദ്ദേഹം കുറ്റപ്പെടുത്തി.
