കണ്ണൂര്: മട്ടന്നൂര് പിആര്എന്എസ്എസ് കോളേജില് റാഗിംഗ് എന്ന പരാതിയെ തുടര്ന്ന് ആറ് സീനിയര് വിദ്യാര്ഥികളെ സസ്പെന്ഡ് ചെയ്തു. ഒന്നാം വര്ഷ വിദ്യാര്ത്ഥികളെ സീനിയര് വിദ്യാര്ഥികള് മര്ദ്ദിച്ചതായിട്ടാണ് പരാതി ഉയര്ന്നത്..
വിദ്യാര്ത്ഥികളെ മര്ദിക്കുന്ന ദൃശ്യങ്ങള് പുറത്തുവന്നതോടെ കോളേജ് അധികൃതര് നടപടിയുമായി രംഗത്തു വന്നത്.ആഭ്യന്തര അന്വേഷണത്തിന് സമിതിയെ നിശ്ചയിച്ചു.
അന്വേഷണത്തിന് ശേഷം തുടര് നടപടി സ്വീകരിക്കുമെന്ന് പ്രിന്സിപ്പാള് അറിയിച്ചു. ഒന്നാം വര്ഷ വിദ്യാര്ത്ഥികള് മദ്യപിച്ചെന്നാരോപിച്ചായിരുന്നു മര്ദ്ദനം. പരാതി കോളേജ് അധികൃതര് പൊലീസിന് കൈമാറി. ഈ മാസം അഞ്ചാം തീയതിയാണ് സംഭവം.
