അടൂര്: പിണറായി വിജയനും മകളും അധികം താമസിക്കാതെ അഴിക്കുള്ളിലാക്കുമെന്ന് ബിജെപി നേതാവ് പി.സി. ജോര്ജ്. എന്ഡിഎ ചെയര്മാന് കെ. സുരേന്ദ്രന് നയിക്കുന്ന കേരള പദയാത്രയുടെ പത്തനംതിട്ട ജില്ലയിലെ ഉദ്ഘാടനത്തോടനുബന്ധിച്ച് അടൂരില് നടന്ന സമ്മേളനത്തില് സംസാരിക്കുകയായിരുന്നു അദ്ദേഹം.
മുന് കേന്ദ്ര ധനകാര്യ മന്ത്രി പി. ചിദംമ്പരത്തെ അഴിക്കുളിലാക്കിയ ഉദ്യോഗസ്ഥനാണ് വീണാ വിജയനുമായി ബന്ധപ്പെട്ട അഴിമതി അന്വേഷിക്കുന്നത്. അഴിമതിക്കെതിരെ ശക്തമായ നിലപാടാണ് ബിജെപി എടുക്കുന്നത്. കേരളത്തില് സമസ്ത മേഖലയിലും അഴിമതിയും കെടുകാര്യസ്ഥതയും കൊടികുത്തിവാഴുകയാണ്.
ഇതില് കോണ്ഗ്രസും ഭരണപക്ഷത്തിന് കുഴലൂത്താണ് നടത്തുന്നത്. കേരള ബജറ്റ് തട്ടിക്കൂട്ട് ബജറ്റാണ്. കേന്ദ്രമാണ് കേരളത്തിന്റെ ഭാവി വികസന മുന്നേറ്റത്തിന് സഹായഹസ്തവുമായി നില്ക്കുന്നത്. അനവധി ജനകീയ വികസന പദ്ധതികളാണ് കഴിഞ്ഞ പത്ത് വര്ഷമായി കേന്ദ്രം ചെയ്തു കഴിഞ്ഞത്. പത്തിനംതിട്ട പാര്ലമെന്റ് മണ്ഡലം ഉള്പ്പെടെ ഇക്കുറി എന്ഡിഎ സഖ്യം വിജയിക്കും. തുടര്ന്ന് വരുന്ന നിയമസഭയിലും ബിജെപി പ്രധാന പക്ഷമായി മാറുമെന്നതില് സംശയമില്ലെന്നും അദ്ദേഹം പറഞ്ഞു.
