ഡ്രൈവർ ഉറങ്ങിപ്പോയി; നിയന്ത്രണം വിട്ട പിക്കപ്പ് വാൻ പോലീസ് വാഹനത്തിലിടിച്ച് അപകടം; രണ്ട് പേർക്ക് പരിക്ക്

വയനാട്: സുൽത്താൻബത്തേരിയിൽ നിയന്ത്രണം വിട്ട പിക്കപ്പ് വാൻ പോലീസ് വാഹനത്തിലിടിച്ച് അപകടം. സംഭവത്തിൽ ഹൈവേ പട്രോളിംഗ് പോലീസ് വാഹനത്തിലുണ്ടായിരുന്ന എസ്ആ അജയ്കുമാർ, ഡ്രൈവർ അനീഷ് എന്നിവർക്ക് പരിക്കേറ്റു.ഇരുവരുടെയും പരിക്ക് സാരമല്ലെന്നാണ് വിവരം.

ഇന്നലെ വൈകുന്നേരം നാല് മണിയോടെയായിരുന്നു അപകടം. മൈസൂർ റോഡിൽ ഗീതാഞ്ജലി പമ്പിന് സമീപമായിരുന്നു സംഭവം.മുത്തങ്ങ ഭാഗത്തേക്ക് പോകുകയായിരുന്ന പോലീസ് വാഹനത്തിൽ മൈസൂരു ഭാഗത്ത് നിന്ന് വാഴക്കുലയുമായി എത്തിയ പിക്കപ്പ് നിയന്ത്രണം വിട്ട് ഇടിക്കുകയായിരുന്നു.

ഇടിയുടെ ആഘാതത്തിൽ പോലീസ് വാഹനത്തിന്റെ ചക്രവും സൈഡ് മിററും തകർന്നിട്ടുണ്ട്. ഡ്രൈവിംഗിനെ ഉറങ്ങിയതാണ് അപകടത്തിന് കാരണമായതെന്നാണ് നിഗമനം. ഇയാൾക്കെതിരെ കേസ് രജിസ്റ്റർ ചെയ്തു.