കോട്ടയം: കുറവിലങ്ങാട് വിരണ്ടോടിയ പോത്തിനെ ഒന്നര മണിക്കൂറുകൾക്ക് ശേഷം അഗ്നിരക്ഷാ സേന കീഴ്പ്പെടുത്തി. അതിനിടെ പോത്തിനെ പിടിക്കാൻ ശ്രമിക്കവെ ഫയർ ആൻഡ് റെസ്ക്യൂ ഓഫീസർ ടിവി വിദീഷിന് പരിക്കേറ്റു. ഇന്നലെ ഉച്ചയോടെയായിരുന്നു സംഭവം.
കാരക്കാട്ടിൽ ബേബി ജോസഫിന്റെ വീട്ടിൽ വളർത്തുന്ന പോത്താണ് കയർ പൊട്ടിച്ച് വിരണ്ടോടിയത്. നാടിനെ പരിഭ്രാന്തിയിലാഴ്ത്തിയായിരുന്നു പോത്തിന്റെ നെട്ടോട്ടം. പ്രദേശവാസികളുടെ സഹായത്തോടെ ഒന്നരമണിക്കൂർ നീണ്ട പരിശ്രമത്തിനൊടുവിൽ പോത്തിനെ പിടിച്ചു കെട്ടുകയായിരുന്നു.
