തിരുവനന്തപുരം: തൊഴിലില്ലായ്മയില് ദേശീയ ശരാശരിയുടെ ഇരട്ടിയാണ് കേരളത്തിന്റേത് എന്ന് സാമ്പത്തിക അവലോകന റിപ്പോര്ട്ട്. ഭാരതത്തിലെ തൊഴിലില്ലായ്മ നിരക്ക് 3.2 ശതമാനമാണ്. അതേസമയം കേരളത്തിലെ തൊഴിലില്ലായ്മ നിരക്ക് 7.0 ശതമാനമാണ്. സംസ്ഥാനമെന്ന നിലയില് ഗോവ(9.7)മാത്രമാണ് തെഴിലില്ലായ്മകാര്യത്തില് കേരളത്തിനു മുന്നില്. കേന്ദ്രഭരണപ്രദേശമായ ലക്ഷദ്വീപിലും ആന്റമാനിലും കേരളത്തേക്കാള് തൊഴിലില്ലായ്മ ഉണ്ട്. ഗുജറാത്ത്, മധ്യപ്രദേശ്, ആസാം, ത്രിപുര. ദല്ഹി, ജാര്്ഖണ്ഡ് എന്നീ സംസ്ഥാനങ്ങളില് ഒരു ശതമാനത്തില് താഴെയാണ് തൊഴിലില്ലായ്മ.
കേരളത്തിലെ ഗ്രാമീണ പ്രദേശങ്ങളിലെ യുവജനങ്ങള്ക്കിടയിലെ തൊഴിലില്ലായ്മ നിരക്ക് 29.4 ശതമാനവും നഗരപ്രദേശങ്ങളിലേത് 27.9 ശതമാനവുമാണേന്ന് ധനമന്ത്രി കെ എന് ബാലഗോപാല് നിയമസഭയില് വെച്ച് റിപ്പോര്ട്ട് വ്യക്തമാക്കുന്നു.
അഖിലേന്ത്യാ തലത്തില്ഈ നിരക്ക് യഥാക്രമം 8 ശതമാനവും 15 .7 ശതമാനവും ആണ്. യുവജനങ്ങള്ക്കിടയില് സ്ത്രീ തൊഴിലില്ലായ്മയാണ് പുരുഷ തൊഴിലില്ലായ്മയേക്കാള് കൂടുതല്. ഗ്രാമപ്രദേശങ്ങളിലെ സ്ത്രീകളുടെ തൊഴിലില്ലായ്മനിരക്ക് 44.7 ശതമാനവും, നഗരപ്രദേശങ്ങളില് 42.8ശതമാനവും, പുരുഷന്മാരുടെ തൊഴിലില്ലായ്മ യഥാക്രമം 21.7 ശതമാനവും, 19.3 ശതമാനവുമാണ്.
കേരളത്തിലെ സംഘടിത മേഖലയില്, തൊഴിലവസരങ്ങള് നിശ്ചലമായി നില്ക്കുന്നതായി സംസ്ഥാന ആസൂത്രണ ബോര്ഡ് തയ്യാറാക്കിയ സാമ്പത്തിക അവലോകന റിപ്പോര്ട്ടില് പറയുന്നു.
പ്രതികരിക്കാൻ ഇവിടെ എഴുതുക: