ഭൂമിയുടെ രേഖ പി.പി. മധു നമ്പ്യാര്ക്കു വേണ്ടി പൂര്വസൈനിക പരിഷത്ത് സംസ്ഥാന വൈസ്പ്രസിഡന്റ് പി.ആര്. രാജന്, ആര്എസ്എസ് വിഭാഗ് സഹകാര്യവാഹ് ഒ. രാഗേഷിന് കൈമാറുന്നു
ചക്കരക്കല് (കണ്ണൂര്): സേവാഭാരതിക്ക് അരക്കോടിയിലേറെ വിലവരുന്ന ഭൂമി കൈമാറി പ്രവാസിയായ അമ്പത്തെട്ടുകാരന്. ചക്കരക്കല് തലവില് ഗിരിജാ നിവാസില് പി.പി. മധു നമ്പ്യാരാണ് 52 സെന്റ് ഭൂമി സേവാഭാരതിക്ക് കൈമാറിയത്.
ഭൂമിയുടെ രേഖ ആര്എസ്എസ് കണ്ണൂര് വിഭാഗ് സഹ കാര്യവാഹ് ഒ. രാഗേഷ് ഏറ്റുവാങ്ങി. ഈ ഭൂമിയില് നിര്മിക്കാനുദ്ദേശിക്കുന്ന പാലിയേറ്റീവ് സെന്ററിനും ഡിഅഡിക്ഷന് സെന്ററിനും വേണ്ടിയുള്ള ആദ്യ നിധി, പ്രവാസിയും എമിറേറ്റ്സ് ഉദ്യോഗസ്ഥനുമായ ടി.പി. ബാലകൃഷ്ണന് ആര്എസ്എസ് വിഭാഗ് സമ്പര്ക്ക പ്രമുഖ് കെ.വി. ജയരാജന് കൈമാറി.
ചക്കരക്കല് ഖണ്ഡ് സംഘചാലക് വിനോദന്, കെ.വി. ജയരാജന്, സേവാഭാരതി ജില്ല അധ്യക്ഷന് ഇ. മോഹനന് എന്നിവര് സംസാരിച്ചു. സേവാഭാരതി ചക്കരക്കല് യൂണിറ്റിന്റെ പാലിയേറ്റീവിനുള്ള ഒരു മാസത്തെ പ്രവര്ത്തനത്തിന് ആവശ്യമായ തുക റിട്ട. കേണല് രാം ദാസ് സെക്രട്ടറി വിപിന് പങ്കജിന് നല്കി. സേവാഭാരതി സംസ്ഥാന സെക്രട്ടറി എം. രാജീവന് അധ്യക്ഷത വഹിച്ചു. ജില്ല സെക്രട്ടറി ടി.പി. രാജീവന്, ട്രഷറര് കെ. രാജു എന്നിവര് സംസാരിച്ചു. യോഗാദ്ധ്യാപികയായ സി.കെ. പ്രീതിയാണ് മധുനമ്പ്യാരുടെ ഭാര്യ. അമല്, അതുല് എന്നിവര് മക്കളാണ്.
