അയാള്‍ ഒരേ സമയം മനുഷ്യനും കഥാപാത്രവുമായിരിക്കും..അനാവശ്യ ഉപദേശങ്ങളില്ല..അനുഭവങ്ങളുടെ വീമ്പിളക്കമില്ല…: ഹരീഷ് പേരടി

അയാള്‍ ഒരേ സമയം മനുഷ്യനും കഥാപാത്രവുമായിരിക്കും..അനാവശ്യ ഉപദേശങ്ങളില്ല..അനുഭവങ്ങളുടെ വീമ്പിളക്കമില്ല…… ലാലേട്ടനൊപ്പമുള്ള മലൈക്കോട്ടൈ അനുഭവങ്ങള്‍ പങ്കുവെച്ച് ഹരീഷ് പേരടി.

എന്നെക്കാള്‍ വലിയവര്‍ നിങ്ങളാണെന്ന് നമ്മെ ബോധ്യപ്പെടുത്താന്‍ ശ്രമിച്ച് നമ്മളില്‍ വലിയ ആത്മവിശ്വാസം സൃഷ്ടിക്കും.. എന്നെക്കാള്‍ വലിയവര്‍ നിങ്ങളാണെന്ന് നമ്മെ ബോധ്യപ്പെടുത്താന്‍ ശ്രമിച്ച് നമ്മളില്‍ വലിയ ആത്മവിശ്വാസം സൃഷ്ടിക്കും.. ഒരുപാട് പാഠങ്ങള്‍ പഠിപ്പിച്ച് ഗുരുദക്ഷിണ വാങ്ങാതെ പിരിഞ്ഞുപോയ ഗുരുവാണ് മോഹന്‍ലാല്‍ സാര്‍ എന്ന് ഹരീഷ് പേരടി സമൂഹമാധ്യമത്തില്‍ കുറിച്ചു.

ഫേസ്ബുക്ക് പോസ്റ്റ് ഇങ്ങനെ…

കഥാപാത്രമായി ഈ മനുഷ്യനോടൊപ്പം നില്‍ക്കുന്ന നിമിഷങ്ങള്‍ അഭിനയ ജീവിതത്തിലെ അമൂല്യ നിമിഷങ്ങളാണ്…മനോഹര മുഹൂര്‍ത്തങ്ങളാണ്…അയാള്‍ ഒരേ സമയം മനുഷ്യനും കഥാപാത്രവുമായിരിക്കും..അനാവശ്യ ഉപദേശങ്ങളില്ല..അനുഭവങ്ങളുടെ വീമ്പിളക്കമില്ല..ഇങ്ങിനെപോയാല്‍ അങ്ങിനെയെത്തും എന്ന കൃത്രിമമായ മാര്‍ഗനിര്‍ദേശങ്ങളില്ല..ഞങ്ങളുടെ കാലമായിരുന്നു കാലം എന്ന പൊങ്ങച്ചമില്ല…പകരം എന്നെക്കാള്‍ വലിയവര്‍ നിങ്ങളാണെന്ന് നമ്മെ ബോധ്യപ്പെടുത്താന്‍ ശ്രമിച്ച് നമ്മളില്‍ വലിയ ആത്മവിശ്വാസം സൃഷ്ടിക്കും…പിന്നെ നമ്മുടെ മുന്നോട്ടുള്ള ചലനവും വേഗതയും താളവും ആദ്യം സന്തോഷത്തോടെ ആസ്വദിക്കുന്ന മനുഷ്യനായി അയാള്‍മാറും…നമ്മളില്‍ നിന്ന് അകന്ന് പോയതിനുശേഷം മാത്രം നമ്മള്‍ അറിയും..നമ്മെ ഒരു പാട് വലിയ പാഠങ്ങള്‍ പഠിപ്പിച്ച് ഗുരുദക്ഷിണ വാങ്ങാതെ പിരിഞ്ഞുപോയ ഗുരുവായിരുന്നു അയാള്‍ എന്ന് …മോഹന്‍ലാല്‍ സാര്‍…പ്രിയപ്പെട്ട ലാലേട്ടന്‍..

https://www.facebook.com/hareesh.peradi.9/posts/pfbid02Qpo7G716ZeV5diurGFZdyGtLHjYjEFtscqrzxdXPTzJSQpebtkMW8G2u3rrBvSLkl?__cft__[0]=AZWarIugt4mSz1dVXNXEyomIY-emf4fMZ_D1I5YdjY67-rlQdoF3WO-ctqvYWP2ZQ77QUOOAKaF8TDnYD_UgAiJT-ATSfkm8hMJ9aNiWXBVPBiE7xc7iFMiyMPwX55GwKUoYyEmJpw6m_sdWpcAH8VY4bk0XhTJdJfO7k_p4e4hB7g&__tn__=%2CO%2CP-R

ലിജോ ജോസ് പെല്ലിശ്ശേരി ഒരുക്കുന്ന മലൈക്കോട്ടൈ വാലിബന്‍ ജനുവരി 25നാണ് തിയേറ്ററുകളിലെത്തുന്നത്. എന്നാല്‍ ലാലേട്ടന്റെ പുതിയ വിശേഷമാണ് ഇപ്പോള്‍ സോഷ്യല്‍ മീഡിയയില്‍ ചര്‍ച്ച.

നേരിന്റെ മഹാവിജയം, ഇനി മലൈക്കോട്ടെ വാലിബന്റെ രാജകീയ വരവ്. മോഹന്‍ലാല്‍ ആരാധകര്‍ വലിയ ആഘോഷത്തിലാണ്. ആ സന്തോഷം ഇരട്ടിക്കുന്ന ഒരു റിപ്പോര്‍ട്ടുകളാണ് ഇപ്പോള്‍ പുറത്ത് വരുന്നത്. . മോഹന്‍ലാലിനെ നായകനാക്കി ബ്ലസിയുടെ സംവിധാനത്തിലുള്ള ചിത്രത്തിന്റെ ആലോചനകള്‍ നടക്കുന്നു എന്നാണ് സോഷ്യല്‍ മീഡിയയില്‍ ചര്‍ച്ചകള്‍ നടക്കുന്നത്. ഭ്രമരവും തന്മാത്രയും പ്രണയവും പോലെ മോഹന്‍ലാലിലെ നടനെ ഏറ്റവും കൂടുതല്‍ ഉപയോഗിച്ചിട്ടുള്ള സംവിധായകരില്‍ ഒരാളാണ് ബ്ലസി.

ബ്‌ലസിയുടെ പുതിയ ഒരു ചിത്രത്തില്‍ മോഹന്‍ലാല്‍ നായകനായേക്കും എന്ന് നിര്‍മാതാവ് പി കെ സജീവ് അഭിമുഖത്തില്‍ പറഞ്ഞുവെന്നാണ് സോഷ്യല്‍ മീഡിയയില്‍ പ്രചരിക്കുന്നത്. ഇതോടെ വലിയ പ്രതീക്ഷയില്‍ ഔദ്യോഗിക പ്രഖ്യാപനത്തായി കാത്തിരിക്കുകയാണ് ആരാധകര്‍.