കൊല്ലം : കൊല്ലം കാവനാട്ട് സ്വകാര്യസ്ഥാപനത്തില് തീപ്പിടിത്തം. ഹാര്ഡ്വെയര് ഷോപ്പില് രാവിലെ 10.45ഓടെയാണ് തീപ്പിടിത്തമുണ്ടായത്. ഫയര്ഫോഴ്സ് സ്ഥലത്തെത്തി തീ നിയന്ത്രണ വിധേയമാക്കി.
രാവിലെ സ്ഥാപനത്തിന്റെ ഉടമ പ്രതാപന് രാവിലെ നിലവിളക്ക് തെളിച്ചതിന് ശേഷം കടയില്നിന്നും പോയി. പിന്നീട് സമീപത്തെ വ്യാപാരികളാണ് കടയ്ക്ക് തീ പിടിച്ചത് ശ്രദ്ധിച്ചത്. സ്ഥാപനത്തിന്റെ തൊട്ടുപിന്നിലായി ഒരു വീടും സമീപത്ത് മറ്റ് ധാരാളം വ്യാപാരസ്ഥാപനങ്ങളുമുണ്ട്.
സമീപത്തെ മറ്റു കടകളിലേക്ക് തീ പിടിച്ചിട്ടില്ല. അഗ്നിശമന സേന നടത്തിയ സമയോചിത ഇടപെടലാണ് വന് ദുരന്തം ഒഴിവാക്കിയത്. തീപിടുത്തമുണ്ടായതിനെ തുടര്ന്ന് സമീപത്തെ വീട്ടിലുണ്ടായിരുന്ന വയോധികയെ സുരക്ഷിതമായി മാറ്റി. ഫയര് ഫോഴ്സിന്റെ ആറ് യൂണിറ്റ് ചേര്ന്നാണ് തീ നിയന്ത്രണവിധേയമാക്കിയത്. തീപിടിത്തത്തിന്റെ കാരണം വ്യക്തമല്ല. വിശദമായ പരിശോധനയ്ക്ക് ശേഷമേ തീപിടിത്തത്തിന്റെ കാരണം വ്യക്തമാകൂ എന്ന് പോലീസ് സൂചിപ്പിച്ചു.
