മണ്ണാര്ക്കാട്: ഭാഷയും നാടും കാഴ്ചയുടെ പരിമിതികളും ഒന്നും സ്വപ്നങ്ങള്ക്ക് അതിരല്ലെന്ന് തെളിയിക്കുകയാണ് നാലാം ക്ലാസുകാരന് ചന്ദു സുധാകര്. ബിഹാറില്നിന്ന് കേരളത്തിലെത്തി മലയാളം നന്നായി സംസാരിക്കുന്ന ചന്ദു മുളയില് മനോഹരമായ ഉല്പ്പന്നങ്ങളാണ് നിര്മിക്കുന്നത്.
ശാസ്ത്രമേളയിലെ വേറിട്ട സാന്നിധ്യമാകുകയാണ് ഈ കൊച്ചുമിടുക്കന്. മലപ്പുറം വള്ളിക്കാപ്പറ്റ കേരള സ്കൂള് ഫോര് ദ ബ്ലൈന്ഡിലെ വിദ്യാര്ത്ഥിയാണ് ചന്ദു. ബിഹാര് സ്വദേശികളായ ദിലീപ് കുമാര്ഗൗരി ദേവി ദമ്പതികളുടെ മകനാണ്. ജോലി സംബന്ധമായി മാതാപിതാക്കള് കേരളത്തിലെത്തിയതോടെയാണ് ചന്ദുവും കേരളത്തിന്റെ ഭാഗമായത്. മലയാളം ഇന്ന് അന്യഭാഷയല്ല ഈ കൊച്ചുമിടുക്കന്്. നന്നായി മലയാളം സംസാരിക്കുന്ന ചന്ദു പഠനത്തിലും മറ്റുപ്രവര്ത്തനങ്ങളിലും സജീവമാണ്. മുളകൊണ്ട് വിവിധ ഉത്പന്നങ്ങള് നിര്മിക്കുന്നതിലാണ് ഇപ്പോഴത്തെ മികവ്. പ്രകൃതിദത്തമായ വസ്തുവിനെ ഉപയോഗിച്ച് കൈവിരലുകളുടെ സ്പര്ശനത്തിലൂടെ പുതിയ രൂപങ്ങള് സൃഷ്ടിക്കുകയാണ് ഈ വിദ്യാര്ത്ഥി.സ്വന്തം കഴിവുകള് വികസിപ്പിക്കുന്ന ചന്ദുവിന്റെ ജീവിതം വൈവിധ്യങ്ങളുടെ സംഗമം കൂടിയാണ്. കാഴ്ചയുടെ പരിമിതികള്ക്കിടയിലും പുതിയ കാര്യങ്ങള് പഠിക്കാനും പരീക്ഷിക്കാനുമുള്ള താല്പ്പര്യമാണ് ചന്ദുവിനെ വ്യത്യസ്തനാക്കുന്നത്.
















