കണ്ണൂര്: ലോക്സഭാ തെരഞ്ഞെടുപ്പില് കേരളത്തില് അധിക സീറ്റിന് ലീഗിന് അര്ഹതയുണ്ടെന്ന് മുസ്ലിം ലീഗ് സംസ്ഥാന അധ്യക്ഷന് സാദിഖലി ശിഹാബ് തങ്ങള്. കണ്ണൂരില് മാധ്യമപ്രവര്ത്തകരോട് സംസാരിക്കുകയായിരുന്നു അദ്ദേഹം. യുഡിഎഫില് സീറ്റുകള് സംബന്ധിച്ചുള്ള കാര്യങ്ങള് ചര്ച്ചയിലൂടെ തീരുമാനിക്കുമെന്നും അദ്ദേഹം പറഞ്ഞു.
മുസ്ലീം ലീഗും സമസ്തയും ഒന്നിച്ചുപോകുന്ന പ്രസ്ഥാനമാണ്. ഉഭയകക്ഷി ചര്ച്ച ഇതുവരെ തുടങ്ങിയിട്ടില്ല. സമയമാകുമ്പോള് ലീഗ് അഭിപ്രായം പറയും. രാമക്ഷേത്ര ഉദ്ഘാടന ചടങ്ങില് പങ്കെടുക്കുന്നതുമായി ബന്ധപ്പെട്ട വിഷയത്തില് കോണ്ഗ്രസിന്റെ നിലപാട് സ്വാഗതാര്ഹമാണ്.
രാമക്ഷേത്രത്തിന് ആരും എതിരല്ലെന്നും പ്രതിഷ്ഠാ ചടങ്ങ് രാഷ്ട്രീയമാക്കുന്നതിനെയാണ് എതിര്ക്കുന്നതെന്നും അദ്ദേഹം പറഞ്ഞു.
