ദുബായ്: വിവിധ മേഖലകളിൽ നിക്ഷേപ സഹകരണം ഉറപ്പാക്കുന്നതിനുള്ള മൂന്ന് ധാരണാപത്രങ്ങളിൽ ഭാരതവും, യു എഇയും ഒപ്പ് വെച്ചു. എമിറേറ്റ്സ് ന്യൂസ് ഏജൻസിയാണ് ഇക്കാര്യം റിപ്പോർട്ട് ചെയ്തത്.
പുനരുപയോഗ ഊർജ്ജം, ഭക്ഷ്യസംസ്‌കരണം, ആരോഗ്യ പരിചരണം എന്നീ മേഖലകളിലാണ് ഈ ധാരണാപത്രങ്ങളിലൂടെ ഇരുരാജ്യങ്ങളും നിക്ഷേപ സഹകരണം ഉറപ്പാക്കുന്നത്. ഔദ്യോഗിക സന്ദർശനത്തിന്റെ ഭാഗമായി ഇന്ത്യയിലെത്തിയ യു എ ഇ പ്രസിഡന്റ് ഷെയ്ഖ് മുഹമ്മദ് ബിൻ സായിദ് അൽ നഹ്യാൻ, പ്രധാനമന്ത്രി നരേന്ദ്ര മോദി എന്നവരുടെ സാന്നിധ്യത്തിലാണ് ഇരുരാജ്യങ്ങളിലെയും വിവിധ വകുപ്പ് മന്ത്രിമാർ ഈ ധാരണാപത്രങ്ങളിൽ ഒപ്പ് വെച്ചത്.
ഗുജറാത്തിലെ അഹമ്മദാബാദിൽ വെച്ചായിരുന്നു ഈ ചടങ്ങ്. നടപ്പ് സാമ്പത്തിക വർഷത്തിൽ 7.3 വളർച്ച രേഖപ്പെടുത്തുമെന്ന് കരുതുന്ന ഇന്ത്യൻ സമ്പദ്‌വ്യവസ്ഥയ്‌ക്ക് പിന്തുണ നൽകുന്നതിനുള്ള യുഎഇ നയത്തിന്റെ ഭാഗമായാണ് ഈ കരാറുകൾ.
ജന്മഭൂമി ഓണ്‍ലൈന്‍