ടെഹ്‌റാന്‍: ഇറാനിലെ കെര്‍മാന്‍ നഗരത്തില്‍ ഇരട്ട സ്‌ഫോടനം.
ഭീകരാക്രമണത്തില്‍ നൂറിലേറെ പേര്‍ മരിച്ചു. 170ലേറെ പേര്‍ക്ക് പരിക്കേറ്റു. പലരുടെയും നില അതീവ ഗുരുതരമാണ്. മരണം ഉയര്‍ന്നേക്കാം.
2020ല്‍ യുഎസ് ഡ്രോണ്‍ ആക്രമണത്തില്‍ കൊല്ലപ്പെട്ട, ഇറാന്‍ റവല്യൂഷണറി ഗാര്‍ഡ്‌സിന്റെ ഉന്നത കമാന്‍ഡറായിരുന്ന ഖാസിം സൊലൈമാനിയുടെ കെര്‍മാന്‍ നഗരത്തിലെ ഖബറില്‍ അനുസ്മരണ ചടങ്ങ് നടക്കുമ്പോഴാണ് രണ്ടു ബോംബ് സ്‌ഫോടനങ്ങള്‍ ഉണ്ടായത്. 73 പേര്‍ മരിച്ചതായും 170 പേര്‍ക്ക് പരിക്കേറ്റതായും ഔദ്യോഗിക വക്താവ് അറിയിച്ചു.
എന്നാല്‍ എണ്‍പതോളം പേര്‍ കൊല്ലപ്പെട്ടുവെന്നാണ് അനൗദ്യോഗിക റിപ്പോര്‍ട്ടുകള്‍. നൂറുകണക്കിനാളുകളാണ് അനുസ്മരണ ചടങ്ങില്‍ തടിച്ചു കൂടിയിരുന്നത്. വെയ്‌സ്റ്റ് പാത്രത്തിലാണ് ബോംബുകള്‍ വച്ചിരുന്നതെന്നാണ് സൂചന. ആക്രമണത്തിനു പിന്നില്‍ ആരാണെന്ന് വ്യക്തമായിട്ടില്ല.
