തൃശൂര്: വനിതകള്ക്ക് പാര്ലമെന്റില് സംവരണം ഉറപ്പാക്കുന്ന വനിതാ സംവരണ ബില് പാസാക്കിയ പ്രധാനമന്ത്രി നരേന്ദ്രമോദിയില് പ്രതീക്ഷയുണ്ടെന്ന് നടി ശോഭന. ശക്തമായ നേതൃത്വമാണ് നരേന്ദ്രമോദിയുടേതെന്നും ശോഭന പറഞ്ഞു. തൃശൂരില് രണ്ട് ലക്ഷം വനിതകള് പങ്കെടുത്ത വനിതാ സമ്മേളനത്തില് ബുധനാഴ്ച പങ്കെടുത്ത് സംസാരിക്കുകയായിരുന്നു ശോഭന.
സ്ത്രീശക്തി മോദിക്കൊപ്പം എന്ന പരിപാടി ഏറെ പ്രതീക്ഷയോടെയാണ് ഓരോ സ്ത്രീയും നോക്കിക്കാണുന്നതെന്നും ശോഭന പറഞ്ഞു. തേക്കിൻകാട് മൈതാനത്ത നടക്കുന്ന മഹിളാ സമ്മേളനമായ ‘സ്ത്രീ ശക്തി മോദിക്കൊപ്പം’ പരിപാടിയിൽ ശോഭനയ്ക്കൊപ്പം നിരവധി പ്രശസ്ത വനിതകളാണ് പങ്കെടുക്കുന്നത്. പി ടി ഉഷ, മിന്നു മണി തുടങ്ങിയവർ വേദിയിലുണ്ട്. ഇതിനൊപ്പം തന്നെ പെൻഷൻ പ്രശ്നത്തിലൂടെ ശ്രദ്ധ നേടിയ മറിയക്കുട്ടിയും വേദിയിലെത്തി.
തൃശൂരിലെത്തിയ പ്രധാനമന്ത്രി നരേന്ദ്ര മോദി ഒന്നര കിലോമീറ്റർ റോഡ് ഷോ നടത്തിയാണ് തേക്കിൻകാട് മൈതാനത്ത നടക്കുന്ന മഹിളാ സമ്മേളനമായ ‘സ്ത്രീ ശക്തി മോദിക്കൊപ്പം’ പരിപാടിയുടെ ഭാഗമാകുന്നത്. മോദിക്കൊപ്പം സുരേഷ് ഗോപി, ബി ജെ പി സംസ്ഥാന അധ്യക്ഷൻ കെ സുരേന്ദ്രൻ, മഹിളാ മോർച്ച സംസ്ഥാന അധ്യക്ഷ സി നിവേദിത എന്നിവരും റോഡ് ഷോയുടെ ഭാഗമായി വാഹനത്തിലുണ്ട്.
