ആലപ്പുഴ: തിരുവിതാംകൂര്‍ ദേവസ്വം ബോര്‍ഡിന്റെ ആന വെട്ടിക്കാട് ചന്ദ്രശേഖന്‍(57) ചരിഞ്ഞു. ചെങ്ങന്നൂരില്‍ ക്ഷേത്രോത്സവത്തിന് എത്തിച്ച ആന അവശനിലയിലായിരുന്നു.
എഴുന്നേല്‍ക്കാനാകാതെ കിടന്ന ആനയെ എഴുന്നേല്‍പ്പിക്കാന്‍ ക്രെയിന്‍ എത്തിച്ച് ശ്രമിച്ചെങ്കിലും ഫലം കണ്ടില്ല.ചികിത്സ നല്‍കവെ വെളളിയാഴ്ച വൈകുന്നേരമാണ് ആന ചരിഞ്ഞത്. കഴിഞ്ഞ ദിവസമാണ് ആനയെ ഉത്സവത്തിനെത്തിച്ചത്.
ആരോഗ്യപ്രശ്‌നങ്ങള്‍ അലട്ടിയ ആനയെ വിശ്രമം നല്‍കാതെ ഉത്സവത്തിന് എത്തിച്ചെന്ന് ഭക്തര്‍ ആരോപിച്ചു. ദേവസ്വം ബോര്‍ഡ് അനാസ്ഥയ്‌ക്കെതിരെ നാട്ടുകാര്‍ പ്രതിഷേധവുമായി രംഗത്തെത്തി.
