അയോധ്യ: കാശി വിശ്വനാഥനെ കാണാനെത്തുന്നവര്ക്ക് 40 മിനിട്ട് കൊണ്ട് അയോധ്യയിലെ രാമസന്നിധിയിലേക്കും എത്താം. 17ന് വാരാണസിയിലെത്തിയ പ്രധാനമന്ത്രി നരേന്ദ്ര മോദി ഗംഗാതീരത്ത് നമോ ഘട്ടില് ഹെലിപ്പാഡ് ഉദ്ഘാടനം ചെയ്തതോടെയാണിത്.
അയോധ്യയിലേക്ക് ഹെലികോപ്റ്റര് സര്വീസ് ആരംഭിച്ചു. മൂന്ന് ഹെലിപാഡുകളാണ് നമോഘട്ടില് ഉദ്ഘാടനം ചെയ്തത്. മൂന്ന് ഹെലികോപ്റ്ററുകള്ക്ക് ഒരേസമയം ഇവിടെ സുഖകരമായി ലാന്ഡ് ചെയ്യാം. കഴിഞ്ഞ ദിവസം അയോധ്യ ശ്രീറാം അന്താരാഷ്ട്ര വിമാനത്താവളത്തില് ആദ്യവിമാനമിറങ്ങിയിരുന്നു. 30ന് പ്രധാനമന്ത്രി നരേന്ദ്ര മോദി അയോധ്യ സന്ദര്ശിക്കുന്നതിന് മുന്നോടിയായാണ് വിമാനം പരീക്ഷണ ലാന്ഡിങ് നടത്തിയത്.
വ്യോമസേനയുടെ വിമാനമാണ് പറന്നിറങ്ങിയത്. 25 മിനിട്ടിന് ശേഷം വിമാനം ടേക്ക് ഓഫ് ചെയ്തു. ലാന്ഡിങ്ങും ടേക്ക് ഓഫും വിജയകരമായിരുന്നുവെന്ന് അധികൃതര് വ്യക്തമാക്കി.
