എസ് എഫ് ഐയുടെ ഇംഗ്ലീഷ് പ്രയോഗങ്ങളുടെ പട്ടിക പുറത്ത്… യൂ ഡോണ്ട് ടെല്‍ എ ഗ്രാസ് ‘നീ ഒരു പുല്ലും പറയേണ്ട’….

തിരുവനന്തപുരം: എസ് എഫ് ഐക്കാരുടെ സുപ്രസിദ്ധമായ ഇംഗ്ലീഷ് ശൈലീപ്രയോഗങ്ങളുടെ പട്ടിക പുറത്ത് വിട്ട് കോണ്‍ഗ്രസ് എംഎല്‍എ വിടി.ബലറാം.

യു വോണ്ട് ഡു എനി ഡ്രൈ ജിന്‍ജര്‍ (You won’t do any dry ginger)
നീ ഒരു ചുക്കും ചെയ്യില്ല.
യുവര്‍ ഇന്‍സ്റ്റാള്‍മെന്‍റ് വില്‍ നോട്ട് വോക്ക് ഹിയര്‍m(Your installment will not walk here)
നിന്റെ ഒരു അടവും ഇവിടെ നടക്കൂലാ
യു ഏഡ് നോ ഏഡ് (You add no add)
നിന്നെക്കൊണ്ട് കൂട്ടിയാ കൂടാല
യുഡോണ്ട് ടെല്‍ എ ഗ്രാസ് (You don’t tell a grass)
നീ ഒരു പുല്ലും പറയേണ്ട
യു ബണ്ടില്‍ യൂവര്‍ ബണ്ടില്‍ (You bundle your bundle)
നിന്നെ കെട്ട് കെട്ടിക്കും

ഗവര്‍ണര്‍ ആരിഫ് മുഹമ്മദ് ഖാന് എതിരെയുള്ള സമരത്തിന്റെ ഭാഗമായി എസ് എഫ് ഐക്കാര്‍ മഹാരാജാസ് കോളെജിലും കലിക്കറ്റ് സര്‍വ്വകലാശാല കാമ്പസിലും തൃശൂര്‍ കേരളവര്‍മ്മ കോളെജിലും ഉയര്‍ത്തിയ ബാനറുകള്‍ അക്ഷരത്തെറ്റുകളും നിലവാരമില്ലാത്ത ഇംഗ്ലീഷും കൊണ്ട് ദേശീയ മാധ്യമശ്രദ്ധ പിടിച്ചുപറ്റിയിരുന്നു.

തൃശൂര്‍ കേരള വര്‍മ്മ കോളെജില്‍ പ്രവേശന കവാടത്തില്‍ തന്നെ ഗവര്‍ണര്‍ക്കെതിരെ ഉയര്‍ത്തിയ ബാനര്‍ എസ് എഫ് ഐയുടെ മുഖം നഷ്ടപ്പെടുത്തുന്ന ഒന്നായിരുന്നു. നിന്റെ പരിപ്പ് ഇവിടെ വേവൂലാ എന്ന് ഗവര്‍ണറോട് പറയുന്ന പോസ്റ്ററിന്റെ ഇംഗ്ലീഷ് രൂപം യുവര്‍ ദാല്‍ വില്‍ നോട്ട് കുക്ക് ഹിയര്‍ ബ്ലഡി സംഘി ഖാന്‍ (Your dal will not cook here bloody Sanghi Khan) എന്നായിരുന്നു.