ബോളിവുഡ് താരം ഷാഹിദ് കപൂര് 3.5 കോടി രൂപ വിലമതിക്കുന്ന പുതിയ മെഴ്സിഡസ് മെയ്ബാക്ക് ജി എല് എസ് 600 സ്വന്തമാക്കി.മെഴ്സിഡസ് മെയ്ബാക്ക് ഇന്ത്യയുടെ ഔദ്യോഗിക ഇന്സ്റ്റാഗ്രാം പേജില് കാറിന് മുന്നില് നില്ക്കുന്ന ഷാഹിദിന്റെയും ഭാര്യ മീര രാജ്പുത്തിന്റെയും ചിത്രം പോസ്റ്റ് ചെയ്തിട്ടുണ്ട്. പുതിയ കാറിന്റെ താക്കോല് ഇരുവരും ചേര്ന്നാണ് സ്വീകരിച്ചത്.
കാറിന് സമീപം വെളുത്ത ട്രൗസറിനൊപ്പം കറുപ്പും വെളുപ്പും കലര്ന്ന ടീഷര്ട്ട് ധരിച്ച് നില്ക്കുന്ന ഷാഹിദിനെയും ഗ്രേ ടീഷര്ട്ടും പിങ്ക് ട്രൗസറും ധരിച്ച് നില്ക്കുന്ന മീര രാജ്പുത്തിനെയും ചിത്രത്തില് കാണാം.
ഷാഹിദ് കപൂറിന്റെ ഗാരേജില് മെഴ്സിഡസ് മെയ്ബാക്ക് ജി എല് എസ് 600 കൂടി എന്നാണ് ചിത്രത്തിന് അടിക്കുറിപ്പ് നല്കിയിരിക്കുന്നത്.ഓരോ ഡ്രൈവിലും മികവ് നല്കാനുള്ള ഞങ്ങളുടെ പ്രതിബദ്ധതയുടെ തെളിവാണിത്. അധികാരത്തിന്റെയും അന്തസിന്റെയും ആഡംബരത്തിന്റെയും സംയോജനമാണ് ഇവിടെയുള്ളത്.
ബോളിവുഡില് നിന്നുള്ള നിരവധി താരങ്ങള് ഈ ബ്രാന്ഡ് കാര് സ്വന്തമാക്കിയിട്ടുണ്ട്. ഷാഹിദിനെ കൂടാതെ, രണ്വീര് സിംഗ്, അര്ജുന് കപൂര്, കൃതി സനോണ്, രണ്ബീര് കപൂറിന്റെ അമ്മ നീതു കപൂര് എന്നിവരും മെഴ്സിഡസ് മെയ്ബാക്ക് ജി എല് എസ് 600 സ്വന്തമാക്കിയിട്ടുണ്ട്.
ഫാര്സി എന്ന വെബ് സീരീസിലും ബ്ലഡി ഡാഡി എന്ന ചിത്രത്തിലും ഷാഹിദ് ഈ വര്ഷം അഭിനയിച്ചിരുന്നു. അടുത്ത വര്ഷം ഒക്ടോബര് 11 ന് തിയറ്ററുകളിലെത്തുന്ന ദേവ എന്ന ചിത്രത്തിലാണ് ഷാഹിദ് അഭിനയിക്കുന്നത്. പൂജ ഹെഗ്ഡെയും ഇതിലുണ്ട്. പൊലീസ് ഉദ്യോഗസ്ഥനെയാണ് താരം അവതരിപ്പിക്കുന്നത്. കൃതി സനോണിനൊപ്പം പേരിടാത്ത ഒരു ചിത്രത്തിലും അഭിനയിക്കുന്നുണ്ട്. 2024 ഫെബ്രുവരി 9-ന് ചിത്രം തിയേറ്ററുകളിലെത്തും.
