തൃശ്ശൂര്‍: തൃപ്രയാറില്‍ ആന ഇടഞ്ഞു. ശ്രീരാമ സ്വാമി ക്ഷേത്രത്തിലെ ശീവേലി എഴുന്നള്ളത്തിന് കൊണ്ട് വന്ന പൂതൃക്കോവില്‍ പാര്‍ഥസാരഥി എന്ന ആനയാണ് ഇടഞ്ഞത്.
ഇടഞ്ഞ് ഓടിയ ആന ഒരു കാറും മൂന്ന് ടെമ്പോ ട്രാവലറും തകര്‍ത്തു.ലോറിയില്‍ നിന്നും ഇറക്കവെയാണ് ഇടഞ്ഞോടിയത്.
വഴിവാണിഭം നടത്തിയിരുന്ന ഒരു കടയും തകര്‍ത്തു. തുടര്‍ന്ന് സമീപത്തെ ഓഡിറ്റോറിയം മൈതാനത്ത് നിലയുറപ്പിച്ച ആനയെ ഒരു മണിക്കൂര്‍ നേരത്തെ ശ്രമത്തിലൂടെയാണ് തളച്ചത്. എലിഫന്റ് സ്‌ക്വാഡ് എത്തിയാണ് ആനയെ തളച്ചത്.
തൃപ്രയാര്‍ , തൃശൂര്‍ സംസ്ഥാന പാതയില്‍ ഗതാഗതം ഏറെ നേരം തടസപ്പെട്ടു.
