ശ്രീനഗർ: ജമ്മുകശ്മീരിലെ സോജിലപാസിൽ ഉണ്ടായ വാഹനാപകടത്തിൽ നാല് മലയാളികളുൾപ്പെടെ അഞ്ച് പേർക്ക് ദാരുണാന്ത്യം. നിയന്ത്രണം വിട്ട കാർ കൊക്കയിലേക്ക് മറിഞ്ഞാണ് അപകടമുണ്ടായത്. മലയാളികളിൽ നാല് പേരും പാലക്കാട് ചിറ്റൂർ സ്വദേശികളാണ്. കാറിലുണ്ടായിരുന്ന മൂന്ന് പേർക്ക് ഗുരുതരമായി പരിക്കേറ്റു. മരിച്ച ഡ്രൈവർ അജാസ് അഹമ്മദ് ഷാ ജമ്മുകശ്മീരിലെ ഗന്ധർബൻ സ്വദേശിയാണ്.
പ്രദേശത്ത് രക്ഷാപ്രവർത്തനം തുടരുകയാണ്. ടാറ്റാ സുമോ വാഹനമാണ് അപകടത്തിൽപ്പെട്ടത്. എട്ട് പേരാണ് കാറിലുണ്ടായിരുന്നത്. ഡ്രൈവർ ഒഴികെ ഏഴ് പേരും മലയാളികളാണ്. റോഡിൽ നിന്നും വലിയ താഴ്ചയിലേക്കുള്ള കൊക്കയിലേക്കാണ് വാഹനം മറിഞ്ഞത്. ചിറ്റൂർ സ്വദേശികളായ സുധീഷ്, അനിൽ, രാഹുൽ, വിഘ്നേഷ്, ജമ്മു സ്വദേശി അജാസ് അഹമ്മദ് ഷാ എന്നിവരാണ് മരിച്ചത്.
