ചെന്നൈ: ചെന്നൈയില് കൊല്ലം സ്വദേശിനി നഴ്സിംഗ് വിദ്യാര്ത്ഥിനിയെ ആണ് സുഹൃത്ത് കൊലപ്പെടുത്തി. തെന്മല സ്വദേശിനി ഫൗസിയയെ ആണ് കുളത്തൂപ്പുഴ സ്വദേശി ആഷിഖ് കൊലപ്പെടുത്തിയത്. നാവ് വര്ഷം മുമ്പ് ഈ പെണ്കുട്ടിയെ ഉപദ്രവിച്ച കുറ്റത്തിന് പോക്സോ നിയമപ്രകാരം തടവുശിക്ഷ അനുഭവിച്ചിട്ടുണ്ട് ഇയാള്.പിന്നീട് പരാതിയില്ലെന്ന് ഫൗസിയ മൊഴി നല്കിയതോടെയാണ് ആഷിക്ക് പുറത്തിറങ്ങിയത്.
ഫൗസിയയെ കഴുത്തുഞെരിച്ച് കൊലചെയ്ത ശേഷം ഇതിന്റെ ചിത്രങ്ങള് പെണ്കുട്ടിയുടെ അച്ഛന് അയച്ചുകൊടുക്കുകയും വാട്സാപ്പ് സ്റ്റാറ്റസ് ആക്കുകയും ചെയ്തിരുന്നു ആഷിഖ് .ചതിക്കുള്ള ശിക്ഷ’യെന്ന് പറഞ്ഞാണ് മകളെ കൊലപ്പെടുത്തിയ ചിത്രം അച്ഛന് അയച്ചുകൊടുത്തത്. കൊലപാതകത്തിന് ശേഷം ആഷിഖ് പൊലീസില് കീഴടങ്ങി.
ചെന്നൈയിലെ ഹോട്ടല് മുറിയിലായിരുന്നു കൊലപാതകം.. അഞ്ച് വര്ഷം തനിക്കൊപ്പം ഉണ്ടായ ശേഷം ചതിച്ചതിന് സ്വന്തം കോടതിയില് ശിക്ഷാ നടപ്പാക്കി എന്നാണ് പ്രതി വാട്സാപ്പ് സ്റ്റാറ്റസില് കുറിച്ചത്. ഇരുവര്ക്കും 20 വയസ് ആണ്.
വിവാഹത്തിനു തയാറെന്ന് ഇയാള് അറിയിച്ചെങ്കലും ഫൗസിയയുടെ കുടുംബം സമ്മതിച്ചിരുന്നില്ല. ചെന്നൈയിലെ സ്വകാര്യ നഴ്സിംഗ് കോളേജില് പഠിക്കുന്ന പെണ്കുട്ടിയെ കാണാനാണ് ആഷിഖ് ഇന്ന് ചെന്നൈില് എത്തിയത്. ഫൗസിയയുടെ അച്ഛന് ചെന്നൈക്ക് തിരിച്ചു.
