മുംബയ്: യുഎഇയില്‍ അടുത്ത മാസം നടക്കുന്ന അണ്ടര്‍ 19 ഏഷ്യാ കപ്പിനുള്ള ടീം ബിസിസിഐ പ്രഖ്യാപിച്ചു. 15 അംഗ ടീമിനൊപ്പം മൂന്ന് സ്റ്റാന്‍ഡ് ബൈ താരങ്ങളും ഇവര്‍ക്കൊപ്പം നാല് റിസര്‍വ് താരങ്ങളുമുണ്ട്. സ്റ്റാന്‍ഡ് ബൈ താരങ്ങള്‍ ടീമിനൊപ്പം യാത്ര ചെയ്യും.
പഞ്ചാബ് താരം ഉദയ് സഹറന്‍ ടീമിനെ നയിക്കും.കഴിഞ്ഞ അണ്ടര്‍ 19 ലോകകപ്പ് ടീമിലെ റിസര്‍വ് താരമായിരുന്നു ഉദയ് സഹറന്‍. രാജസ്ഥാനില്‍ ജനിച്ച ഉദയ് സഹറന്‍ ക്രിക്കറ്റ് മോഹവുമായി പഞ്ചാബിലേക്ക് കുടിയേറുകയായിരുന്നു.
ഇന്ത്യ അണ്ടര്‍ 19 സ്‌ക്വാഡ്: അര്‍ഷിന്‍ കുല്‍ക്കര്‍ണി, ആദര്‍ശ് സിംഗ്, രുദ്ര മയൂര്‍ പട്ടേല്‍. സച്ചിന്‍ ദാസ്, പ്രിയാംഷു മോളിയ, മുഷീര്‍ ഖാന്‍, ഉദയ് സഹരന്‍(ക്യാപ്റ്റന്‍), ആരവെല്ലി അവനീഷ് റാവു(വിക്കറ്റ് കീപ്പര്‍) ,സൗമി കുമാര്‍ പാണ്ഡേ (വൈസ് ക്യാപ്റ്റന്‍), മുരുഗന്‍ അഭിഷേക്, ഇന്നേഷ് മഹാജന്‍(വിക്കറ്റ് കീപ്പര്‍), ധനുഷ് ഗൗഡ, ആരാധ്യ ശുക്ല, രാജ് ലിംബാനി, നമന്‍ തിവാരി.
പ്രേം ദിവാകര്‍,. അന്‍ഷ് ഗോസായി, മൊഹമ്മദ്‌അമാന്‍ എന്നിവരാണ് സ്റ്റാന്‍ഡ് ബൈ താരങ്ങള്‍:
അഫ്ഗാനിസ്ഥാനെതിരെ ഡിസംബര്‍ എട്ടിനാണ് ഇന്ത്യയുടെ ആദ്യ മത്സരം. ബംഗ്ലാദേശ്, ശ്രീലങ്ക, യുഎഇ, നേപ്പാള്‍, ജപ്പാന്‍ എന്നീ ടീമുകള്‍ ഏഷ്യാ കപ്പില്‍ കളിക്കും. ഡിസംബര്‍ 17നാണ് ഫൈനല്‍ .
