ഹൈദരാബാദ്: ഐ ലീഗില് ഇന്നലെ നടന്ന മത്സരത്തില് ജയം നേടിയ ശ്രീനിധി ഡെക്കാന് രണ്ടാം സ്ഥാനത്ത് തുടരുന്നു. ഇന്നലെ നടന്ന രണ്ടാം മത്സരത്തില് രാജസ്ഥാന് എഫ്സിയെ 2-1നാണ് പരാജയപ്പെടുത്തിയത്. ഇന്നലെ നടന്ന മറ്റൊരു മത്സരത്തില് നെരോക്കയ്ക്കെതിരെ റയല് കശ്മീരും തകര്പ്പന് ജയമാണ് സ്വന്തമാക്കിയത്.
ഒരു ഗോള് പിന്നില് നിന്ന ശേഷമായിരുന്നു ശ്രീനിധി ഇന്നലെ രണ്ട് ഗോളുകള് തിരിച്ചടിച്ച് വിജയം ഉറപ്പാക്കിയത്. നാലാം മിനിറ്റില് റിച്ചാര്ഡ് ക്വാക്കു ഡെന്സെലിലൂടെ ഗോള് കണ്ടെത്തിയ അവര്ക്കെതിരെ ആദ്യ പകുതിയില് തന്നെ ശ്രീനിധി രണ്ട് ഗോളുകളും കണ്ടെത്തി. 45+2ാം മിനിറ്റില് വില്ല്യം ആല്വെസിലൂടെ ഒപ്പമെത്തിയ ശ്രീനിധി തൊട്ടടുത്ത മിനിറ്റില് ദാനഗോളിലൂടെ വിജഗോളും നേടിയെടുത്തു.
കൊല്ക്കത്തയിലെ പ്രസിദ്ധമായ കല്യാണി സ്റ്റേഡിയത്തിലാണ് നെരോക്കയെ റയല് കശ്മീര് എതിരില്ലാത്ത നാല് ഗോളുകള്ക്ക് നിഷ്പ്രഭരാക്കിയത്. ജയത്തോടെ റിയല് കശ്മീര് പട്ടികയില് നാലാം സ്ഥാനത്തേക്കെത്തി.
