ശബരിമല: അയ്യപ്പ ദര്‍ശനത്തിനായി എത്തുന്ന തീര്‍ത്ഥാടകരുടെ സുരക്ഷയ്‌ക്കായി അഗ്നിരക്ഷാ സേനയും സിവില്‍ ഡിഫെന്‍സ് വോളന്റീയര്‍മാറും വിപുലമായ സംവിധാനങ്ങള്‍ ഒരുക്കി. സന്നിധാനം- പമ്പ കട്രോള്‍ റൂമുകള്‍ക്ക് കീഴിലായി 14 ഫയര്‍ പോയിന്റുകളും കൂടാതെ നിലയ്‌ക്കല്‍ മുതല്‍ കാളകെട്ടി വരെ 25 ഫയര്‍ പോയിന്റുകളും ക്രമീകരിച്ചിട്ടുണ്ട്. വിവിധ ഫയര്‍ പോയിന്റുകളിലായി 295 അഗ്‌നിശമനസേനാംഗങ്ങളെ ഒരേ സമയം ഡ്യൂട്ടിക്ക് നിയോഗിച്ചിട്ടുണ്ടെന്ന് ജില്ലാ ഫയര്‍ ഓഫീസര്‍ അറിയിച്ചു.
സുരയക്ഷിതമായ മണ്ഡലകാലത്തിനായി അയ്യപ്പന്മാര്‍ പാലിക്കേണ്ട നിര്‍ദ്ദേശങ്ങള്‍:
1, ജലാശയ അപകടം
* ദര്‍ശനത്തിനായി വരുമ്പോഴും പോകുമ്പോഴും പരിചിതമല്ലാത്ത ജലാശയങ്ങളില്‍ ഇറങ്ങി കുളിക്കാതിരിക്കുക
* പമ്പ സ്നാന കടവില്‍ ഇറങ്ങുന്ന അയ്യപ്പന്മാര്‍ സുരക്ഷാ ഉദ്യോഗസ്ഥരുടെ നിര്‍ദേശങ്ങള്‍ കര്‍ശനമായി പാലിക്കണം. കുട്ടികളായ അയ്യപ്പന്മാരെ പ്രത്യേകം ശ്രദ്ധിക്കണം
* അപകട സാധ്യമേഖല എന്ന അടയാളപെടുത്തിയ സ്ഥലങ്ങളില്‍ ഇറങ്ങാതെ ഇരിക്കുക
. അപകടം ശ്രദ്ധയില്‍ പെട്ടാല്‍ 101 നമ്പറിലോ അടുത്തുള്ള ഫയര്‍ പോയിന്റിന്റെ വിവരം അറിയിക്കുക
2, തീ പിടുത്ത അപകടം
* എല്‍പിജി സിലിണ്ടര്‍ ഉപയോഗിക്കുന്ന സ്ഥാപനങ്ങള്‍ ആവശ്യത്തിനുള്ള സിലിണ്ടര്‍ മാത്രം സ്ഥാപനത്തില്‍ സൂക്ഷിക്കുക; സ്റ്റോക്കിലുള്ളവ ഗോഡൗണില്‍ സൂക്ഷിക്കുക
* എല്‍പിജി സിലിണ്ടറുകള്‍ ചൂട് തട്ടാതെയും പെട്രോള്‍ ഡീസല്‍ മണ്ണെണ്ണ എന്നിവയില്‍ നിന്നും അകലത്തിലും സൂക്ഷിക്കുക
* കച്ചവട സ്ഥാപനങ്ങള്‍ പ്രാഥമിക അഗ്നിശമന ഉപകരണങ്ങള്‍ നിര്‍ബന്ധമായും സൂക്ഷിക്കുക
. വനത്തിനു സമീപം ഉള്ള കച്ചവടക്കാര്‍ കടയ്‌ക്ക് ചുറ്റും ഫയര്‍ലൈന്‍ സ്ഥാപിച്ചിട്ടുണ്ട് എന്ന് ഉറപ്പ് വരുത്തുക
* അയ്യപ്പ ഭക്തര്‍ ഒരു കാരണവശാലും സംരക്ഷണ വന മേഖലയിലേക്ക് കയറുവാനോ കാടിനുള്ളില്‍ വച്ച് ഭക്ഷണം പാകം ചെയ്യാന്‍ പാടില്ല
. അയ്യപ്പന്മാര്‍ പടക്കങ്ങള്‍ കയ്യില്‍കരുത്തുവാനോ പൊട്ടിക്കുവാനോ പാടില്ല
3, തിരക്കുമൂലമുള്ള അപകടം
* അനാവശ്യ തിരക്ക് ഉണ്ടാക്കാതെ ഇരിക്കുക. ദര്‍ശനത്തിനുള്ള ക്യുവില്‍ സാവധാനത്തില്‍ നീങ്ങുക
* ശാരീരിക ബുദ്ധിമുട്ടുകള്‍ അനുഭവപ്പെട്ടാല്‍ മെഡിക്കല്‍ സംഘത്തിന്റെ സഹായം തേടുക
. ആഴിയുടെ സമീപം സുരക്ഷിതമായ അകലം പാലിക്കുക
* മകരവിളക്ക് ദര്‍ശനത്തിനായി തിരഞ്ഞെടുക്കുന്ന സ്ഥലം സുരക്ഷിതമാണെന്ന് ഉറപ്പ് വരുത്തുക, ഉയര്‍ന്ന മരച്ചില്ലകളും അപകടകരമായ പ്രദേശങ്ങളും ഒഴിവാക്കുക
എമര്‍ജന്‍സി നമ്പറുകള്‍
സന്നിധാനം കണ്ട്രോള്‍ റൂം: 04735 202033
പമ്പ കട്രോള്‍ റൂം: 04735 203333
അഗ്നി രക്ഷാനിലയം സീതത്തോട്: 04735 258101
അഗ്നി രക്ഷാനിലയം പത്തനംതിട്ട: 04682 222001
അഗ്നി രക്ഷാനിലയം റാന്നി: 04735 224101
