തൃശ്ശൂര്: പ്രമുഖ സ്കൂളില് തോക്കില് നിന്ന് വെടിയുതിര്ത്ത് ഭീകരാന്തരീക്ഷം സൃഷ്ടിച്ച യുവാവ്. തൃശ്ശൂര് വിവേകോദയം സ്കൂളിലാണ് സംഭവം നടന്നത്. മുളയം സ്വദേശി ജഗനാണ് സ്കൂളില് തോക്കുമായെത്തിയത്. ഇയ്യാള് പൂര്വ വിദ്യാര്ത്ഥിയാണെന്നാണ് പ്രാദമിക വിവരം.
ക്ലാസ് റൂമില് കയറി മൂന്ന് തവണ മുകളിലേക്ക് വെടിവച്ച യുവാവ് സ്റ്റാഫ് റൂമില് കയറി അധ്യാപകരെ ഭീഷണിപ്പെടുത്തിയെന്നും അധ്യാപകര് പറയുന്നു. തുടര്ന്ന് ഇറങ്ങി ഓടുന്നതിനിടെ സ്കൂള് അധികൃതരും നാട്ടുകാരും ചേര്ന്ന് ഇയാളെ പിടികൂടി പോലീസില് ഏല്പ്പിക്കുകയായിരുന്നു. ആളപായമില്ലെന്നാണ് റിപ്പോര്ട്ട്.
സ്കൂളിലെ ചില വിദ്യാര്ത്ഥികളെ അന്വേഷിച്ചാണ് യുവാവ് അവിടെ എത്തിയതെന്നാണ് അധ്യാപകര് വ്യക്തമാക്കുന്നത്. തൃശ്ശൂര് ഈസ്റ്റ് പോലീസ് അന്വേഷണം ആരംഭിച്ചു. ലഹരിക്കടിമയാണ് യുവാവെന്ന് പോലീസ് പറഞ്ഞു. അതേസമയം ഇയ്യാളുകൈയില് നിന്ന് ലഭിച്ചത് എയര്ഗണാണെന്ന് സ്ഥിരീകരിച്ചിട്ടുണ്ട്.
