ചെന്നൈ: തൃഷയ്ക്കെതിരായ അശ്ലീല പാരമശത്തില് മാപ്പുപറയില്ലെന്ന് നടന് മന്സൂര് അലി ഖാന്. ദേശീയ വനിതാ കമ്മീഷന് സ്വമേധയാ കേസെടുത്തതിന് പിന്നാലെ നടന് വിളിച്ചു ചേര്ത്ത വാര്ത്താ സമ്മേളനത്തില് പ്രതികരിക്കുകയായിരുന്നു.
താന് തമാശ രൂപേണയാണ് പരാമര്ശം നടത്തിയതെന്നായിരുന്നു വിവാദങ്ങള്ക്ക് പിന്നാലെയുള്ള മന്സൂര് അലി ഖാന്റെ പ്രതികരണം. നിരവധി മുന്നിര നായികമാര്ക്കൊപ്പം അഭിനയിച്ചിട്ടുണ്ട്.
അവര്ക്കെല്ലാം തന്റെ സ്വഭാവത്തെ കുറിച്ച് നന്നായി അറിയാം. അഭിമുഖത്തില് തമാശയായിട്ടായിരുന്നു താന് മറുപടി നല്കിയത്. ഇപ്പോള് നടക്കുന്ന ഭീഷണികള്ക്ക് മുന്നില് വഴങ്ങുന്ന വ്യക്തിയല്ല താനെന്നും മന്സൂര് അലി ഖാന് പറഞ്ഞു.
വിഷയത്തില് സിനിമ ലോകം ഒന്നടങ്കം തൃഷയ്ക്ക് പിന്തുണ അറിയിച്ചു. സംവിധായകന് ലോകേഷ് കനകരാജാണ് ആദ്യം പിന്തുണയുമായി എത്തിയത്. പിന്നാലെ നടികര് സംഘവും നടിക്ക് പിന്തുണയുമായെത്തി.
വിഷയത്തില് സ്വമേധയാ കെസെടുത്ത ദേശീയ വനിതാ കമ്മീഷന് നിയമ നടപടി സ്വീകരിക്കാന് ഡിജിപിയോട് നിര്ദ്ദേശിക്കുകയും ചെയ്തു. മന്സൂര് അലിഖാന്റെ പരാമര്ശത്തെ അപലപിച്ച കമ്മീഷന് പരാമര്ശം സ്ത്രീകള്ക്കെതിരായ അതിക്രമങ്ങളെ നിസാരവത്ക്കരിക്കുന്നതാണെന്നും നിരീക്ഷിച്ചു.
