തിരുവനന്തപുരം: തലസ്ഥാനത്ത് വിവാഹ സത്കാരത്തിനിടെ കൂട്ടയടി. ബാലരാമപുരത്ത് പെരിങ്ങമന സെന്റിനറി മെമ്മോറിയല് ഹാളില് നടന്ന ചടങ്ങിലാണ് സംഭവം. ഇന്നലെ രാത്രി പരിപാടിയിലെ ഗാനമേളയ്ക്കിടെ മദ്യലഹരിയിലെത്തിയ ചിലര് നൃത്തം ചെയ്തതാണ് തല്ലുതുടങ്ങാന് കാരണമെന്നാണ് പ്രാഥമിക വിവരം.
ഇത് ചോദ്യം ചെയ്ത ഒരു വിഭാഗം ബന്ധുക്കളുമായി മറ്റേ വിഭാഗം വാക്കുതര്ക്കമായി. തുടര്ന്ന് ഹാളിനകത്ത് വെച്ച് തന്നെ ഉന്തും തള്ളുമായി. വധുവിന്റെയും വരന്റെയും ബന്ധുക്കള് ഏറ്റുമുട്ടിയതിനു പിന്നാലെ പ്രശ്നം പരിഹാരിക്കാനെത്തിയവരെ വധുവിന്റെയും വരന്റെയും ബന്ധുക്കള് ഒന്നിച്ച് തല്ലി.
ബന്ധുകളും നാട്ടുകാരും അസ്വാരസ്യങ്ങളുമായി ഹാളിനു പുറത്തിറങ്ങിയതോടെയാണ് അടിപിടിയില് കാലശിച്ചത്. സംഭവത്തില് ബഹളം കേട്ട് അയല്ക്കാരെത്തിയപ്പോള് തല്ലുണ്ടാക്കിയിരുന്നവര് ഒന്നിച്ച് അവര്ക്ക് നേരെ തിരിഞ്ഞു. എന്നാല് സംഭവത്തില് ഇതുവരെ പരാതികളൊന്നും ലഭിച്ചിട്ടില്ലെന്ന് പോലീസ് പറഞ്ഞു.
