കൊല്‍ക്കത്ത: ലോകകപ്പ് സെമി ഫൈനല്‍ മത്സരത്തില്‍ ഓസ്‌ട്രേലിയയ്‌ക്കെതിരെ ആദ്യം ബാറ്റ് ചെയ്ത ദക്ഷിണാഫ്രിക്ക കുറഞ്ഞ സ്‌കോറിന് പുറത്ത്. ടോസ് നേടി ബാറ്റിംഗ് തിരഞ്ഞെടുത്ത ടീമിന് ഓസ്‌ട്രേലിയന്‍ പേസര്‍മാര്‍ക്ക് മുന്നില്‍ പിടിച്ചുനില്‍ക്കാനായില്ല.
ഡേവിഡ് മില്ലര്‍ നേടിയ സെഞ്ച്വറിയാണ് ദക്ഷിണാഫ്രിക്കയെ 200 കടത്തിയത്. ദക്ഷിണാഫ്രിക്ക 49.3 ഓവറില്‍ 212 റണ്‍സിന് പുറത്തായി.
24/4 എന്ന നിലയില്‍ നിന്നാണ് ദക്ഷിണാഫ്രിക്ക ഡോവിഡ് മില്ലറുടെ ബാറ്റിംഗ് മികവില്‍ കരകയറ്റിയത്. ഡേവിഡ് മില്ലറും ഹെയിന്റിച്ച് ക്ലാസനും ചേര്‍ന്ന് 95 റണ്‍സാണ് നേടിയത്. 47 റണ്‍സ് നേടിയ ക്ലാസനെ ട്രാവിസ് ഹെഡ് പുറത്താക്കിയപ്പോള്‍ തൊട്ടടുത്ത പന്തില്‍ മാര്‍ക്കോ ജാന്‍സനെയും ഹെഡ് മടക്കിയയ്ച്ചു.
ഏഴാം വിക്കറ്റില്‍ ഡേവിഡ് മില്ലറും ജെറാള്‍ഡ് കോയെറ്റ്‌സേയും ചേര്‍ന്ന് 53 റണ്‍സ് നേടി.19 റണ്‍സ് നേടിയ ജെറാള്‍ഡിനെ പുറത്താക്കി കമ്മിന്‍സ് ആണ് ഈ കൂട്ടുകെട്ട് തകര്‍ത്തത്. മില്ലര്‍ തന്റെ ശതകവും ദക്ഷിണാഫ്രിക്കയുടെ സ്‌കോര്‍ 200 റണ്‍സും കടത്തിയ ഉടന്‍ പുറത്തായി.
മില്ലര്‍ 101 റണ്‍സ് നേടി.
ഓസ്‌ട്രേലിയയ്‌ക്കായി പാറ്റ് കമ്മിന്‍സും മിച്ചല്‍ സ്റ്റാര്‍ക്കും മൂന്ന് വീതം വിക്കറ്റ് നേടി. ജോഷ് ഹാസല്‍വുഡും ട്രാവിസ് ഹെഡും രണ്ട് വീതം വിക്കറ്റ് നേടി.
മറുപടി ബാറ്റിംഗില്‍ ഓസ്‌ട്രേലിയ 10 ഓവറില്‍ രണ്ട് വിക്കറ്റ് നഷ്ടത്തില്‍ 74 റണ്‍സ് നേടിയിട്ടുണ്ട്.
പ്രതികരിക്കാൻ ഇവിടെ എഴുതുക: