പാക്കിസ്ഥാനിൽ രണ്ട് ഭീകരർ കൂടി കൊല്ലപ്പെട്ടു; ഒരാൾ ഗുരുതരാവസ്ഥയിൽ, കൊലയ്‌ക്ക് പിന്നിൽ ബൈക്കിലെത്തിയ അജ്ഞാത സംഘം

ഇസ്ലാമാബാദ്: പാക്കിസ്ഥാനിൽ രണ്ട് ഭീകരരെ കൂടി അജ്ഞാത സംഘം വെടിവച്ച് കൊന്നു. ഖോക്രാൻ ചൗക്കിൽ ഇന്ന് രാവിലെയോടെയായിരുന്നു സംഭവം. വെടിയേറ്റ മറ്റൊരു ഭീകരൻ ഗുരുതരാവസ്ഥയിൽ ആശുപത്രിയിൽ ചികിത്സയിലാണ്. ലഷ്‌കർ ഇ ത്വയ്ബ ഭീകരരായ മുഹമ്മദ് മുസാമിൽ, ഇയാളുടെ കൂട്ടാളി നയീമുർ റഹ്‌മാൻ എന്നിവരാണ് കൊല്ലപ്പെട്ടത്.

മുസാമിലിനും റഹ്‌മാനും പുറമേ മറ്റൊരു ഭീകരന് കൂടി വെടിയേറ്റിരുന്നു. മൂന്ന് പേരും വെടിയേറ്റ് നിലത്ത് വീണതോടെ അക്രമി സംഘം സ്ഥലത്ത് നിന്നും കടന്ന് കളയുകയായിരുന്നു. ഭീകരരെ അജ്ഞാതർ കൊലപ്പെടുത്തുന്നതിന്റെ വീഡിയോ പുറത്തുവന്നിട്ടുണ്ട്. രണ്ട് പേരാണ് സംഘത്തിലുള്ളത് എന്നാണ് ദൃശ്യങ്ങളിൽ നിന്നും വ്യക്തമാകുന്നത്. ബൈക്കിൽ എത്തിയ ഇവർ മുസാമിലിനും കൂട്ടാളികൾക്കും നേരെ വെടിയുതിർക്കുകയായിരുന്നു.

സംഭവ സമയം നിരവധി പേരാണ് സ്ഥലത്ത് ഉണ്ടായിരുന്നത്. ഭയന്ന് എല്ലാവരും ഓടി മറയുന്നത് ദൃശ്യങ്ങളിൽ കാണാം. അജ്ഞാത സംഘം പോയതിന് പിന്നാലെ മൂന്ന് പേരെയും ആശുപത്രിയിൽ എത്തിച്ചെങ്കിലും രണ്ട് പേർ മരിച്ചിരുന്നു. കൂട്ടാളിയായ മറ്റൊരാൾ ഗുരുതരാവസ്ഥയിൽ ആശുപത്രിയിൽ ചികിത്സയിൽ ആണ്.

പാക്കിസ്ഥാനിൽ ഇതിനോടകം തന്നെ 20 ലധികം ഭീകരരാണ് അജ്ഞാതരുടെ ആക്രമണത്തിൽ കൊല്ലപ്പെട്ടിരിക്കുന്നത്. കഴിഞ്ഞ ആഴ്ചകളിലും അജ്ഞാതരുടെ ആക്രമണത്തിൽ ലഷ്‌കർ ഇ ത്വയ്ബ ഭീകരർ കൊലപ്പെട്ടിരുന്നു.

BIG BREAKING NEWS – Lashkar e Toiba cadre Md. Muzamil and his associate Naeemur Rahman shot dead by UNKNOWN MEN at Khokhran chowk, Sialkot , Pakistan 🔥🔥

A third one is critical. Pakistan Police said it was a land dispute case but unable to find UNKNOWN MEN ⚡ Other terrorists… pic.twitter.com/ULXWoOOXxv

— Narendra Maurya (@narendra483) November 14, 2023