തിരുവനന്തപുരം: കാട്ടാക്കടയില് കോളേജ് വിദ്യാര്ത്ഥിനി കെ എസ് ആര് ടി സി ബസിടിച്ച് മരിച്ചു. ഒന്നാം വര്ഷ ബികോം വിദ്യാര്ത്ഥിനി അഭന്യ (18) ആണ് മരിച്ചത്. കാട്ടാക്കട കെഎസ്ആര്ടിസി സ്റ്റാന്റില് ഇന്ന് വൈകിട്ടാണ് സംഭവം.
കോളേജ് വിട്ട് വീട്ടിലേക്ക് പോകാനായി എത്തിയതായിരുന്നു വിദ്യാര്ത്ഥിനി. ഇതിനിടെ ഒതുങ്ങി നിന്ന് ഫോണ് ചെയ്യവെ സ്റ്റാന്റിലേക്കെത്തിയ ബസ് വിദ്യാര്ത്ഥിനിയെ തൂണിനോട് ചേര്ത്തിടിക്കുകയായിരുന്നു.
കുട്ടിയെ ഉടന് തന്നെ മെഡിക്കല് കോളേജ് ആശുത്രിയിലേക്ക് കൊണ്ടുപോയെങ്കിലും ജീവന് രക്ഷിക്കാനായില്ല.കുട്ടിയുടെ മൃതദേഹം പോസ്റ്റ്മോര്ട്ടത്തിന് ശേഷം ബന്ധുക്കള്ക്ക് വിട്ടുകൊടുക്കും.
അപകടത്തെ തുടര്ന്ന് കെഎസ്ആര്ടിസി ബസ് ഡ്രൈവര് ഓടി ഡിപ്പോയിലേക്ക് കയറി. ഇയാള് മദ്യപിച്ചിരുന്നുവെന്ന് ആരോപിച്ച് ജനക്കൂട്ടം രോഷാകുലരായത് സംഘര്ഷാവസ്ഥ സൃഷ്ടിച്ചു. പൊലീസെത്തി സ്ഥിതിഗതികള് നിയന്ത്രിച്ചു.
