കണ്ണൂർ: ബസ് ഡ്രൈവർ ട്രെയിൻ തട്ടി മരിച്ച സംഭവത്തിൽ അന്വേഷണം ആവശ്യപ്പെട്ട് കുടുംബവും പ്രദേശവാസികളും. പന്ന്യന്നൂർ മനേക്കരയിലെ പുതിയവീട്ടിൽ തെ ജിജിത്തിന്റെ മരണത്തിലാണ് അന്വേഷണം ആവശ്യപ്പെട്ടിരിക്കുന്നത്. മരണകാരണം ഒരു സംഘം ആളുകളുടെ മർദ്ദനമാണെന്നാണ് കുടുംബത്തിന്റെ ആരോപണം.
മരണത്തിൽ സംശയമുണ്ടെന്നും മർദ്ദനമേറ്റതാണ് മരണകാരണമെന്ന് സംശയിക്കുന്നുവെന്നും കാണിച്ച് പോലീസിൽ പരാതി നൽകി. സംഭവത്തിന് പിന്നാലെ ട്രെയിൻ തട്ടി മരിച്ച സംഭവത്തിൽ അസ്വഭാവിക മരണത്തിന് പോലീസ് കേസെടുത്തു.
ശനിയാഴ്ച വൈകിട്ട് 6.15-ഓടെയായിരുന്നു സംഭവം. വടകരയിൽ നിന്നും തലശ്ശേരിയിലേക്ക് പോകുകയായിരുന്ന ശ്രീഭഗവതി ബസിടിച്ച് കാൽനടയാത്രക്കാരന് പരിക്കേറ്റിരുന്നു. സംഭവത്തിന് പിന്നാലെയുണ്ടായ സംഘർഷത്തിനിടെ രക്ഷപ്പെടാൻ ശ്രമിച്ച കണ്ടക്ടർ ബിജീഷിനെ നാട്ടുകാർ ഓടിച്ചിട്ടു തല്ലി. ആൾക്കൂട്ട ആക്രമണത്തെ തുടർന്ന് ഇദ്ദേഹം പോലീസിൽ പരാതി നൽകി.
