ന്യൂദല്ഹി: രാഹുല് ഗാന്ധി ഒക്ടബോര് അവസാന ആഴ്ചയില് ഉസ്ബെക്കിസ്ഥാനില് പോയതിനെക്കുറിച്ച് ആശങ്കകള് ഉയരുന്നു. രാജ്യങ്ങളിലെ സര്ക്കാരുകളെ അട്ടിമറിച്ച് ഭരണമാറ്റം ഉണ്ടാക്കാന് ശേഷിയുള്ള യുഎസ് എയ്ഡ് ഏജന്സി മേധാവിയായ സാമന്ത പവറുമായി കൂടിക്കാഴ്ച നടത്താനാണ് അഞ്ച് സംസ്ഥാനങ്ങളില് നിയമസഭാ തെരഞ്ഞെടുപ്പ് നടക്കുന്നതിനിടയില് രാഹുല് ഗാന്ധി ഉസ്ബെക്കിസ്ഥാനില് പോയതെന്ന് സംശയമുയരുന്നു. വിദേശശക്തികള് 2024ലെ പൊതുതെരഞ്ഞെടുപ്പില് ഇടപെടുന്നോ? അട്ടിമറിച്ച് ഭരണമാറ്റം ഉണ്ടാക്കാന് ശേഷിയുള്ള യുഎസ് എയ്ഡ് ഏജന്സി മേധാവിയായ സാമന്ത പവറുമായി കൂടിക്കാഴ്ച നടത്താനാണ് രാഹുല് ഗാന്ധി പോയതെന്നാണ് പറയപ്പെടുന്നത്. സി5 പ്ലസ് വണ് റീജ്യണല് കണക്ടിവിറ്റി എന്ന യോഗത്തില് അധ്യക്ഷതവഹിച്ച് ഈ നാളുകളില് സാമന്ത പവറും ഉസ്ബെക്കിസ്ഥാനില് ഉണ്ടായിരുന്നു. അഞ്ച് സംസ്ഥാനങ്ങളിലേക്ക് തെരഞ്ഞെടുപ്പ് നടക്കുന്ന ഇത്രയും പ്രധാനപ്പെട്ട സന്ദര്ഭത്തില് ആര് വിളിച്ചിട്ടാണ് രാഹുല് ഗാന്ധി ഉസ്ബെക്കിസ്ഥാനിലേക്ക് പോയത് എന്ന സംശയം പലരും ഉയര്ത്തിയിരുന്നു.
ഇപ്പോള് പുറത്തുവരുന്ന വാര്ത്ത യുഎസ് ഏജന്സി ഫോര് ഇന്റര്നാഷണല് ഡവലപ് മെന്റ് (യുഎസ് എയ്ഡ്) ചുമതലയുള്ള സാമന്ത പവറിനെ കാണാനാണഓ രാഹുല് ഗാന്ധി പോയത് എന്നാണ്, ഇത് 2024ലെ പൊതുതെരഞ്ഞെടുപ്പില് മോദിയെ അട്ടിമറിക്കാനുള്ള അന്താരാഷ്ട്ര ഗൂഡാലോചനയുടെ ഭാഗമാണോ എന്നും കരുതപ്പെടുന്നു. നേരത്തെ ഇക്കണോമിസ്റ്റ് ഉള്പ്പെടെയുള്ള മാധ്യമങ്ങളില് ജേണലിസ്റ്റായിരുന്ന സാമന്ത പവര് ജോ ബൈഡന്റെ കാലത്താണ് യുഎസ് എയ്ഡ് ചുമതലക്കാരിയായത്. സാമന്ത പവറിന് ജോര്ജ്ജ് സോറോസ് എന്ന മോദി വിരുദ്ധനാണ് അമേരിക്കന് കോടീശ്വരനുമായി അടുത്ത ബന്ധമുണ്ടെന്നും പറയുന്നു.
ജോര്ജ്ജ് സോറോസ് ഫണ്ട് നല്കുന്ന സ്ഥാപനമാണ് ഈയിടെ അദാനിയ്ക്കെതിരെ റിപ്പോര്ട്ട് പ്രസിദ്ധീകരിച്ച ജേണലിസ്റ്റുകളുടെ സംഘടനയായ ഓപ്പണ് സൊസൈറ്റി ഫൗണ്ടേഷന്. 2010ല് യുഎസ് പ്രസിഡന്റായിരുന്ന ഒബാമ ഇന്ത്യ സന്ദര്ശിച്ചപ്പോള് ഡമോക്രസി ആന്റ് ഓപ്പണ് ഗവണ്മെന്റ് എന്ന പേരില് മുംബൈയില് ഒരു പരിപാടി സംഘടിപ്പിച്ചിരുന്നു. ഇതില് ഗാന്ധി കുടുംബത്തിന്റെ ആത്മാവ് സൂക്ഷിപ്പുകരനായ സാം പിട്രോഡയും സാമന്ത പവറും പങ്കെടുത്തിരുന്നു. അന്ന് ഇന്ത്യയിലെ സിവില് സൊസൈറ്റികള്ക്ക് (അധികവും മോദിയ്ക്കെതിരെ പ്രവര്ത്തിക്കുന്ന എന്ജിഒകള്) പത്ത് ലക്ഷം ഡോളറാണ് സഹായധനമായി നല്കുന്നതായി സാമന്ത പവര് പ്രഖ്യാപിച്ചത്. മോദിയ്ക്കെതിരായി അമേരിക്കയിലും ഇന്ത്യയിലും സിവില് സൊസൈറ്റികളെ സംഘടിപ്പിക്കുന്ന ഹിന്ദുസ് ഫോര് ഹ്യൂമന് റൈറ്റ്സ് എന്ന സംഘടനയുടെ സുനിത വിശ്വനാഥ് എന്ന ജേണലിസ്റ്റ് 2022 ഒക്ടോബര് 26 മുതല് 28 വരെ മതപരമായ കൂട്ടക്കൊല (മുസ്ലിങ്ങളുടെ കൂട്ടക്കൊല എന്ന് വ്യംഗാര്ത്ഥം) ഒഴിവാക്കുന്നതിനെക്കുറിച്ച് ചര്ച്ച ചെയ്യാന് ഒരു ത്രിദിന കോണ്ഫറന്സ് വിളിച്ചുകൂട്ടിയിരുന്നു. ഇന്ത്യ ന്യൂനപക്ഷ സമുദായത്തിനെതിരാണ് എന്ന് വരുത്തിതീര്ക്കുക എന്നതാണ് ലക്ഷ്യം. 2015ല് ഒബാമ ഭരണകൂടം മാറ്റത്തിന്റെ ചാമ്പ്യന് എന്ന പേരില് സുനിത വിശ്വനാഥിന് അവാര്ഡ് നല്കിയിരുന്നു എന്നും അറിയുക. ഈ സുനിത വിശ്വനാഥും സാമന്ത പവറും അടുത്ത് പ്രവര്ത്തിക്കുന്നവരാണ്. രാഹുല് ഗാന്ധി അമേരിക്കയിലും ബ്രിട്ടനിലും പോയി ഇന്ത്യയിലെ ന്യൂനപക്ഷത്തിന്റെ അരക്ഷിതാവസ്ഥയെക്കുറിച്ച് സംസാരിക്കുന്നത് ഇവരുടെ നിര്ദേശപ്രകാരമാണ്.
മനുഷ്യാവകാശപ്രശ്നങ്ങളുടെ പേരില് ഏത് രാജ്യത്തിന്റെയും ആഭ്യന്തരകാര്യങ്ങളില് ഇടപെടാനുള്ള അധികാരം സ്വന്തമായുള്ള വ്യക്തിയാണ് സാമന്ത പവര്. സാം പിത്രോദ, സുനിത വിശ്വനാഥ് തുടങ്ങി ഇന്ത്യയിലെ എല്ലാ മനുഷ്യാവകാശ-പൗരാവകാശ സംഘടനാ മേധാവികളുമായും നേരിട്ട് ബന്ധമുണ്ട് സാമന്ത പവറിന്. ഒബാമയുമായി അടുത്ത സൗഹൃദം ഉള്ള വ്യക്തികൂടിയാണ് സാമന്ത പവര്. ജോ ബൈഡനോട് ഈയിടെ ഒബാമ നല്കിയ ഉപദേശം മാധ്യമങ്ങളില് വാര്ത്തയായിരുന്നല്ലോ. ഇന്ത്യന് പ്രധാനമന്ത്രി മോദിയെ കാണാനിടയായാല് ഇന്ത്യയിലെ ഭൂരിപക്ഷ ഹിന്ദു സമുദായങ്ങളില് നിന്നും ന്യൂനപക്ഷമുസ്ലിങ്ങള്ക്ക് സംരക്ഷണം ലഭിക്കേണ്ടതിനെക്കുറിച്ച് പറയണം എന്നായിരുന്നു ഒബാമയുടെ പ്രസ്താവന. ഈ നിരന്തരമായി ഇവരെല്ലാം ആവര്ത്തിക്കുന്ന, രാഹുല് ഗാന്ധിയെക്കൊണ്ട് ആവര്ത്തിപ്പിക്കുന്ന ആശയമാണ്.
ലോകത്തെ മനുഷ്യാവകാശപ്രശ്നങ്ങള് ചര്ച്ച ചെയ്യുന്ന, അതില് ഇടപെടുന്ന, അത് ഒരു കൂട്ടക്കൊലയിലേക്ക് വളരാതിരിക്കാന് വേണ്ട മുന് കരുതല് എടുക്കുന്ന വൈറ്റ് ഹൗസ് സംഘടനയുടെ പ്രധാനി കൂടിയാണ് സാമന്ത പവര്. അതായത് ഇന്ത്യയിലെ ആഭ്യന്തരപ്രശ്നങ്ങളില് ഇടപെടാനുള്ള എല്ലാ കരുത്തും അവര്ക്കുണ്ടെന്നര്ത്ഥം. അതുകൊണ്ടാണ് സാമന്ത പവറുമായി രാഹുല് ഗാന്ധി ഉസ്ബെക്കിസ്ഥാനില് കൂടിക്കാഴ്ച നടത്തിയിട്ടുണ്ടെങ്കില് അത് മോദി സര്ക്കാരിനെതിരായ മറ്റൊരു അന്താരാഷ്ട്ര ഗൂഡാലോചനയായി കണക്കാക്കപ്പെടുന്നത്.
മാത്രമല്ല, ചൈനയുടെ സ്വാധീനം ഇന്തോ-പസഫിക് മേഖലയില് നിന്നും ഒഴിവാക്കാന് അമേരിയ്ക്ക് ഇന്ത്യയില് വേണ്ടത് ഒരു പാവ സര്ക്കാരിനെയാണ്. നരേന്ദ്രമോദി അങ്ങിനെയുള്ള ഒരു നേതാവല്ല. അമേരിക്കന് അജണ്ട രഹസ്യമായി നടപ്പാക്കുന്ന ഒരു ദുര്ബല നേതാവിനെ അവര് തിരയുകയാണ്. അതിന് ഉത്തരം കൂടിയാണ് രാഹുല് ഗാന്ധി.
