തിരുവനന്തപുരം: കേരളത്തിലെ യൂണിവേഴ്സിറ്റികളില് ഗവേഷണം നടത്തുന്ന പട്ടികജാതി വര്ഗ ഗവേഷകര്ക്ക് മുടങ്ങി കിടക്കുന്ന ഫെലോഷിപ്പ് ഉടന് വിതരണം ചെയ്യാന് നടപടി സ്വീകരിക്കണമെന്ന് ബിജെപി പട്ടികജാതി മോര്ച്ച സംസ്ഥാന പ്രസിഡന്റ് ഷാജുമോന് വട്ടേക്കാട് ആവശ്യപ്പെട്ടു. ഇത് സംബന്ധിച്ച് പട്ടികജാതി മോര്ച്ച ഗവര്ണര്ക്ക് പരാതി നല്കുമെന്നും അദ്ദേഹം പ്രസ്താവനയില് പറഞ്ഞു.
ഒരു വര്ഷത്തോളമായി മുടങ്ങി കിടക്കുന്ന ഫെലോഷിപ്പ് തുക അടിയന്തരമായി വിതരണം ചെയ്യാന് പട്ടികജാതി പട്ടിക വര്ഗ ഡയറക്ടറേറ്റ് തയാറാകണം. കേരളത്തിലെ യൂണിവേഴ്സിറ്റികളില് റിസര്ച്ച് നടത്തുന്ന അഞ്ഞൂറോളം വരുന്ന വിദ്യാര്ത്ഥികളുടെ ഗവേഷണം പ്രതിസന്ധിയില് ആണ്. സംസ്ഥാന സര്ക്കാര് നടപടി പട്ടികജാതി വിദ്യാര്ത്ഥികളോട് കാണിക്കുന്ന ക്രൂരതയാണ്. പട്ടികജാതി വകുപ്പിന് നാണക്കേടായ മന്ത്രി രാധാകൃഷ്ണന് രാജിവയ്ക്കണമെന്നും ഷാജുമോന് വട്ടേക്കാട് ആവശ്യപ്പെട്ടു.
