തിരുവനന്തപുരം: ആയയെ ജാതി അധിക്ഷേപം നടത്തി ജോലിയില്‍ നിന്ന് പറഞ്ഞുവിട്ടെന്ന് പരാതി.മണ്ണടിക്കോണം സ്വദേശി ജയശ്രീ ആണ് പരാതിക്കാരി.
ഊരുട്ടമ്പലം സരസ്വതി വിദ്യാലയത്തിലെ ബസ് കോഡിനേറ്റര്‍ അഭിലാഷിനെതിരെയാണ് പരാതി.കഴിഞ്ഞ രണ്ട് ദിവസമായി ബസിലെ ആയയായി ജോലി ചെയ്യുകയായിരുന്നു ജയശ്രീ.നവോത്ഥാന നായകന്‍ അയ്യങ്കാളി സ്‌കൂളില്‍ ചേര്‍ത്ത പഞ്ചമിയുടെ നാലാം തലമുറക്കാരിയാണ് ഇവര്‍.
എന്നാല്‍ ജാതി അധിക്ഷേപം നടത്തിയിട്ടില്ലെന്ന് അഭിലാഷ് പറഞ്ഞു.ജയശ്രീ തെറ്റിദ്ധരിച്ചതാകാം. ജോലിക്ക് ആരു വരണം, വരണ്ട എന്ന് തീരുമാനിക്കുന്നത് സ്‌കൂള്‍ അധികൃതരാണ്. താന്‍ സ്‌കൂളിലെ സ്റ്റാഫ് മാത്രം ആണ് എന്നും അഭിലാഷ് പറഞ്ഞു.
ജയശ്രീയെക്കുറിച്ച് മാതാപിതാക്കള്‍ക്ക് പരാതിയുണ്ട്.നിന്റെ ഗന്ധം കുട്ടികള്‍ക്ക് ഇഷ്ടപ്പെടുന്നില്ല എന്നും പറഞ്ഞ് അധിക്ഷേപിച്ച് ജോലിയില്‍ നിന്ന് പുറത്താക്കിയെന്നാണ് പരാതി.പട്ടികജാതി ആയതുകൊണ്ട് എടുക്കാന്‍ പറ്റില്ലെന്ന് അഭിലാഷ് പറഞ്ഞെന്ന് ജയശ്രീ പറഞ്ഞു.
എന്നാല്‍ ജയശ്രീയുടെ ആരോപണം സ്‌കൂള്‍ അധികൃതര്‍ തളളി.ജയശ്രീ സ്വയം ജോലിയില്‍ നിന്ന് പിരിഞ്ഞു പോയെന്നാണ് വിശദീകരണം.
