പൂനെ: ഐസിസി ഏകദിന ലോകകപ്പില് ഇംഗ്ലണ്ടിന് രണ്ടാം ജയം. നെതര്ലന്ഡ്സിനെ 160 റണ്സിനാണ് തകര്ത്തത്.
ഇംഗ്ലണ്ട് ഉയര്ത്തിയ 340 റണ്സ് വിജയലക്ഷ്യം പിന്തുടര്ന്ന നെതര്ലന്ഡ്സ് 37.2 ഓവറില് 179 റണ്സിന് എല്ലാവരും പുറത്തായി. ഇംഗ്ലണ്ടിന് വേണ്ടി ബെന് സ്റ്റോക്സ് സെഞ്ച്വറി നേടി.
തേജ നിദമനുരുവാണ് ( 41 നോട്ടൗട്ട്) നെതര്ലന്ഡ്സിന്റെ ടോപ് സ്കോറര്. 163 ന് ആറുവിക്കറ്റ് എന്ന സ്കോറില് നിന്ന് 179 റണ്സില് എല്ലാവരും പുറത്താവുകയായിരുന്നു .
ഇംഗ്ലണ്ടിന് വേണ്ടി മൊയീന് അലിയും ആദില് റഷീദും മൂന്ന് വിക്കറ്റ് വീതം വീഴ്ത്തിയപ്പോള് ഡേവിഡ് വില്ലി രണ്ട് വിക്കറ്റ് നേടി. ക്രിസ് വോക്സ് ഒരുവിക്കറ്റെടുത്തു.
ആദ്യം ബാറ്റുചെയ്ത ഇംഗ്ലണ്ട് 50 ഓവറില് ഒന്പത് വിക്കറ്റ് നഷ്ടത്തില് 339 റണ്സെടുത്തു. ഡേവിഡ് മലാന് അര്ദ്ധസെഞ്ചുറി നേടി.
