തിരുവനന്തപുരം : സംസ്ഥാന സര്‍ക്കാരിന്‍രെ കേരളീയം പരിപാടി ബഹിഷ്‌കരിച്ചിരിക്കെ കോണ്‍ഗ്രസ് നേതാവ് മണിശങ്കര്‍ അയ്യര്‍ പരിപാടിയില്‍ പങ്കെടുത്തത് പാര്‍ട്ടിക്ക് തിരിച്ചടിയായി. പാര്‍ട്ടിയെ ധിക്കരിച്ച മണിശങ്കര്‍ അയ്യര്‍ക്കെതിരെ എഐസിസിയെ പരാതി അറിയിച്ചുവെന്ന് പ്രതിപക്ഷ നേതാവ് വിഡി സതീശന്‍ പറഞ്ഞു.
കോണ്‍ഗ്രസ് നേതൃത്വം പങ്കെടുക്കരുതെന്ന് അറിയിച്ചിരുന്നെങ്കിലും പഞ്ചായത്തിരാജിനെ കുറിച്ച് സംസാരിക്കാനുള്ള അവസരമായാണ് കേരളീയം സെമിനാറിനെ കാണുന്നതെന്നാണ് മണിശങ്കര്‍ അയ്യര്‍ പറഞ്ഞത്. കേരളീയം വേദിയെ രാഷ്‌ട്രീയമായല്ല കണ്ടതെന്നും കേരളത്തിലെ പ്രാദേശിക സര്‍ക്കാരുകള്‍ എന്ന വിഷയത്തില്‍ പഞ്ചായത്തീരാജിനെ കുറച്ച് പറയാനുള്ള അവസരമെന്ന നിലയിലാണ് സെമിനാറില്‍ പങ്കെടുത്തതെന്നും അദ്ദേഹം വ്യക്തമാക്കി.
പഞ്ചായത്തീരാജിന്റെ വിജയം ജനങ്ങളുടേതാണെന്നും മണിശങ്കര്‍ അയ്യര്‍ പറഞ്ഞു. രാഷ്‌ട്രീയകാരണങ്ങളാല്‍ കേരളീയത്തില്‍ നിന്ന് വിട്ടുനില്‍ക്കുകയാണെന്നും മണിശങ്കര്‍ അയ്യരുടെ വരവ് തടണമെന്നും പാര്‍ട്ടി സംസ്ഥാന നേതൃത്വം എഐസിസിയോടും ആവശ്യപ്പെട്ടിരുന്നതായാണ് അറിയുന്നത്.
പ്രതികരിക്കാൻ ഇവിടെ എഴുതുക