തിരുവനന്തപുരം : കേരളത്തില് മഴ ശക്തിപ്പെടുമെന്ന് കാലാവസ്ഥ മുന്നറിയിപ്പ്. നാല് ജില്ലകളില് ഓറഞ്ച് ജാഗ്രത പ്രഖ്യാപിച്ചിട്ടുണ്ട്. പത്തനംതിട്ടയിലും ഇടുക്കിയിലും നേരത്തെ ഓറഞ്ച് ജാഗ്രത ആയിരുന്നു. എന്നാല് പുതിയ മഴ മുന്നറിയിപ്പില് മലപ്പുറവും കോഴിക്കോടും കൂടി ഓറഞ്ച് ജാഗ്രതയില് ഉള്പ്പെടുന്നു.
പത്തനംതിട്ട, ഇടുക്കി, മലപ്പുറം, കോഴിക്കോട്, കൊല്ലം, കാസര്ഗോഡ് ഒഴികെയുള്ള ജില്ലകളില് മഞ്ഞ ജാഗ്രതയാണ്. നാളെ പത്തനംതിട്ട, ഇടുക്കി, മലപ്പുറം ജില്ലകളില് ഓറഞ്ച് ജാഗ്രത പ്രഖ്യാപിച്ചിട്ടുണ്ട്.
ഇടിയോട് കൂടിയ മഴ സാധ്യതയാണ് പ്രവചിക്കപ്പെട്ടിട്ടുളളത്. കേരളാ തീരത്ത് മത്സ്യബന്ധനത്തിന് വിലക്കില്ല.
തെക്കന് തമിഴ്നാട് തീരത്തായി ചക്രവാതച്ചുഴി നിലനില്ക്കുന്നുണ്ടെന്ന് കാലാവസ്ഥ വിഭാഗം അറിയിച്ചു. ബംഗാള് ഉള്ക്കടലില് നിന്നുള്ള കാറ്റും ശക്തമാണ്.
