ചെന്നൈ ജവഹർലാൽ നെഹ്‌റു ഇൻഡോർ സ്‌റ്റേഡിയത്തിൽ വെച്ചായിരുന്നു ചടങ്ങുകൾ. വേദിയിലേക്കെത്തിയ വിജയ്‌യോട് പരിപാടിയുടെ അവതാരകരിലൊരാൾ പല ചോദ്യങ്ങൾ ചോദിച്ചതിൽ ഒന്ന് 2026 വർഷത്തെ കുറിച്ച് ആയിരുന്നു. എന്നാൽ പിടി കൊടുക്കാതെയായിരുന്നു തുടക്കത്തിൽ വിജയ്‌യുടെ മറുപടി.
വിജയ് പങ്കെടുക്കുന്ന ഓരോ വേദിയിലും ആരാധകർ ഉറ്റുനോക്കുന്നത് രാഷ്ട്രീയ പ്രവേശത്തെ കുറിച്ച് വെളിപ്പെടുത്തുമോ എന്നറിയാനാണ്. 2026ലെ തമിഴ്‌നാട് നിയമസഭാ തിരഞ്ഞെടുപ്പ് ലക്ഷ്യമാക്കി വിജയ് രാഷ്ട്രീയ പ്രവേശനം നടത്തുമെന്ന് റിപ്പോർട്ടുകൾ എത്തിയിരുന്നു. ഇപ്പോഴിതാ രാഷ്ട്രീയ പ്രവേശനം സംബന്ധിച്ചുള്ള വിജയ്‌യുടെ പരാമർശം ചർച്ചയാവുകയാണ്.
‘കപ്പ് മുഖ്യം ബിഗിലേ’ സ്വന്തം ചിത്രത്തിലെ ഡയലോഗ് കടമെടുത്ത് വിജയ് പറഞ്ഞു. ഇപ്പോഴാണ് ആ വേൾഡ് കപ്പ് ഫുട്‌ബോൾ എവിടെ നടക്കുന്നതെന്ന് തനിക്ക് മനസിലായതെന്നായിരുന്നു അവതാരകന്റെ മറുപടി. തമിഴ്‌നാട്ടിൽ നടക്കാനിരിക്കുന്ന 2026 നിയമസഭാ തെരഞ്ഞെടുപ്പിന് മുൻപ് രാഷ്‌ട്രീയപ്രവേശനം ഉണ്ടാവുമെന്നതിന് വിജയ് നൽകുന്ന ഉറപ്പായാണ് ഈ വാക്കുകളെ ആരാധകർ കാണുന്നത്.
