കണ്ണൂര് : ആറളം വന്യജീവി സങ്കേതത്തില് മാവോയിസ്റ്റുകള് വെടിവയ്പ് നടത്തിയതിനെ തുടര്ന്ന് പൊലീസ് തണ്ടര്ബോള്ട്ട് സംഘം സ്ഥലത്തെത്തി പരിശോധന നടത്തി. ചാവച്ചി മേഖലയിലാണ് വെടിവയ്പ്പ് നടന്നതെന്ന് വൈല്ഡ് ലൈഫ് വാര്ഡന് അറിയിച്ചു. വെടിവയ്പ്പില് ആര്ക്കും പരിക്കേറ്റിട്ടില്ല.
തിങ്കളാഴ്ച ഉച്ചയ്ക്ക് 12.20 ഓടെയാണ് സംഭവമുണ്ടായത്. അമ്പലപ്പാറയിലെ ക്യാമ്പ് ഓഫീസിലേക്ക് ഭക്ഷണവുമായി പോവുകയായിരുന്ന മൂന്ന് വനംവകുപ്പ് താല്ക്കാലിക വാച്ചര്മാര്ക്ക് നേരെയാണ് വെടിവച്ചത്. അമ്പലപ്പാറയിലേക്ക് പോവുകയായിരുന്ന സംഘത്തിന് മുന്നില് മാവോയിസ്റ്റുകള് അപ്രതീക്ഷിതമായാണ് എത്തിയത്.
വെടിവച്ചതിനെ തുടര്ന്ന വനപാലകര് ഓടി രക്ഷപ്പെടുകയായിരുന്നു. മാവോയിസ്റ്റ് സംഘത്തില് അഞ്ച് പേര് ഉണ്ടായിരുന്നു ഇതില് രണ്ട് പേരുടെ പക്കലാണ് തോക്കുകള് ഉണ്ടായിരുന്നത്.
കണ്ണൂര് ഡിഐജിയും റൂറല് എസ്പിയും സംഭവസ്ഥലത്ത് എത്തും.
